Ц.Эрдэнэчулуун: ОХУ-тай хиллэдэг гурван боомтын үйл ажиллагаа хэвийн үргэлжилж байна
ОХУ-тай хиллэдэг гурван боомт ажиллаж байгаа бол БНХАУ-ын хиллэдэг дөрвөн боомтын үйл ажиллагаа тодорхой зохицуулалтын дор үргэлжилж байгааг АТҮТ-ийн дэд захирал Ц.Эрдэнэчулуун өнөөдөр мэдээлэв.
Тухайлбал, Ханги-Мандал боомтод хилийн дундын бүс дээр чингэлэг солилцох зарчмаар өдөр 40-50 тээврийн хэрэгслээр нүүрс, төмрийн хүдэр экспортолж байна.
Харин Гашуунсухайт боомтод өнгөрсөн оны наймдугаар сараас эхлэн мөрдөж буй битүүмжилсэн тээвэрлэлтийн багийн системээр ачаа барааг тээвэрлэсэн хэвээр байгаа юм. АТҮТ-ийн дэд захирал Ц.Эрдэнэчулуун "Гашуунсухайт боомтод тээвэрлэлтийн 179 багийн 2,600 жолооч тээвэрлэлт хийж, өдөрт 100 орчим тээврийн хэрэгслээр нүүрс, 32 тээврийн хэрэгслээр зэсийн баяжмал гаргаж байна.
БНХАУ-тай хиллэж буй өөр нэгэн боомт болон Булганд чиргүүл солилцох хэлбэрээр зохион байгуулалт хийж буй бөгөөд өдөрт 40 машины чиргүүл солилцож байна. Булган боомтоор нүүрс гаргаж байгаа.
Мөн ОХУ-тай хиллэдэг Цагааннуур, Боршоо, Алтанбулаг боомтоор тээвэрлэлт хэвийн үргэлжилж байна" хэмээн мэдээлэв.
