2021 оны арванхоёрдугаар сарын 31-нд Монгол, Хятадын хилийн Замын-Үүд-Эрээн чиглэлийн авто замын боомтын хилийн шугам дахь чингэлэг солилцох талбайгаас Замын-Үүдийн гаалийн хяналтын талбай хүртэлх чингэлэг тээвэрлэлтэд зориулж гурван тэрбум төгрөгийг Засгийн газрын нөөц хөрөнгөөс гаргах шийдвэр гарсан.
Уг шийдвэрийн дагуу цэргийн ангийн бие бүрэлдэхүүн хилийн 0 бүсээс гаалийн хяналтын терминал хүртэл тээвэр хийх юм байна.
Энэ шийдвэртэй холбогдуулан "Замын-Үүд боомтод онц дэглэм тогтоох тухай Засгийн газрын шийдвэр одоогоор гараагүй" гэдгийг ЗТХЯ-ны эх сурвалж мэдэгдсэн бол Ерөнхий сайдын хэвлэлийн төлөөлөгч "Онц дэглэм тогтоох зэрэг хувилбарууд яригдаж байгаа. Батлагдсан зүйл байхгүй" гэв.