Улаанбаатарт агаарын бохирдол өнгөрсөн хоёр өдөртэй харьцуулахад бага байна. Мягмар гарагт агаарын бохирдол мэдэгдэхүйц нэмэгдэж, нийслэлийн дөрвөн байршил буюу 100 айл, Баянхошуу, I хороолол, Хайлаастад 09:30 цагийн байдлаар агаарын бохирдол МАШ ИХ хэмжээнд хүрсэн. Тэгвэл өнөөдрийн 09:30 цагийн байдлаар хоёр байршил/I хороолол, Хайлааст/-д бохирдолтой түвшинд байгаа юм.
Хоёр өдрийн өмнөх ижил цагт агаарын температур, салхины хурд ямар байсныг өнөөдрийнхтэй харьцуулж харвал, температур 3.1 градусаар дулаан, салхины хурд 0.3 м/с-ээр илүү байна.
Арванхоёрдугаар сарын 28-ны Мягмар гараг:
Арванхоёрдугаар сарын 30-ны Пүрэв гараг:
Гэсэн хэдий ч https://www.iqair.com/ сайт дахь дэлхийн хотуудын агаарын чанарын мэдээнээс харвал Улаанбаатар хот хамгийн их бохирдолтой хотуудын дөрөвдүгээрт эрэмбэлэгдэж байна.
Нийслэлийн агаарын бохирдол өвлийн улиралд ДЭМБ-ын хүлцэх хэмжээнээс ойролцоогоор 50 дахин өндөр болж, 2018 оны байдлаар эмнэлэгт хэвтэн эмчлүүлэгчдийн өвчлөлийн тэргүүлэх шалтгаан нь амьсгалын тогтолцооны өвчин/10,000 хүн амд 466 тохиолдол/ байв. Эдгээр хүний тал нь уушгины хатгалгааны улмаас дунджаар 7.5 өдөр хэвтэн эмчлүүлснийг Эрүүл мэндийн хөгжлийн төвөөс гаргасан тайланд дурдсан байдаг.