Уншиж байна ...
Зураг
Зураг
ХУУЧИРСАН МЭДЭЭ: 2021/12/30-НД НИЙТЛЭГДСЭН

Ц.Даваасүрэн: Хэлэлцээрийн явцад $4.1 тэрбумын зээлийг хэрхэн шийдэхээс Монгол Улс ногдол ашиг хэзээ авах нь шийдэгдэнэ

А.Ням-Өлзий, iKon.mn
2021 оны 12 сарын 30
iKon.MN
Зураг зураг
Гэрэл зургийг Mpa.mn

УИХ-ын чуулганы хуралдаанаар Оюутолгойн ордоос Монгол Улсын хүртэх үр ашгийн тухай тогтоолын төслийн эцсийн хэлэлцүүлгийг явуулж байна.

Төсөлд “Рио Тинто”, “Туркойз Хилл” компаниас Оюу Толгой төслийн Монгол Улсын Засгийн Газрын эзэмшлийн 34 хувьд ногдох нийт 2.3 тэрбум ам.долларын өрийг 100 хувь тэглэхээр тусгасан.

“Оюу толгой ордын ашиглалтад Монгол Улсын эрх ашгийг хангуулах тухай” Монгол Улсын Их Хурлын 2019 оны 92 дугаар тогтоолын хэрэгжилтэд хяналт тавих, шаардлагатай бол санал боловсруулж, дүнг нэгдсэн хуралдаанд танилцуулах үүрэг бүхий Түр хорооны өчигдрийн хуралдаанаар уг асуудлыг хэлэлцсэн.

Түр хорооны хуралдаанаар анхны хэлэлцүүлгийн үеэр олонхын дэмжлэг авсан зарчмын зөрүүтэй болон найруулгын саналыг төслийн холбогдох заалтуудад нэмж тусган, төслийн агуулга, бодлого, зарчмыг алдагдуулахгүйгээр үг хэллэг, найруулгын шинжтэй засварыг хийж, эцсийн хувилбарыг бэлтгэсэн юм.

УИХ-ын гишүүн С.Чинзориг: Оюутолгойн гэрээнээс Монголын ногдол ашиг хүртэх хугацаа наашилж байгаа юу.

Түр хорооны дарга Ц.Даваасүрэн: Ногдол ашиг хойшлуулсан асуудал чинь Дубайн 4.1 тэрбум ам. Долларын зээл шүү дээ. Ногдол ашиг хүртэх он 1923 байсныг 1937 он болгон хойшлуулсан. Одоо энэ хэлэлцээрийн явцад 4.1 тэрбум ам.долларын зээлийг яах вэ гэдгээс л шалтгаална. Тодорхой хэсгийг нь манайд ашиглаагүй гэсэн аудитын дүгнэлт гаргаад тэглэх боломж гарах юм бол наашилна. Хэрэв ахиад зээл авах юм бол ногдол ашиг авах тухай асуудал байхгүй болно.