Элчин сайд Д.Гансүх Чехийн ерөнхийлөгч М.Земанд Итгэмжлэх жуух бичгээ өргөн барив

Эх сурвалж: ГХЯ

Монгол Улсаас Бүгд Найрамдах Чех Улсад суух Онц бөгөөд Бүрэн эрхт Элчин сайд Дамдины Гансүх 2021 оны 12 дугаар сарын 20-ны өдөр Бүгд Найрамдах Чех Улсын Ерөнхийлөгч Милош Земанд Итгэмжлэх жуух бичгээ өргөн барив.

Элчин сайд Д.Гансүх Ерөнхийлөгч М.Земанд Монгол Улсын Ерөнхийлөгч У.Хүрэлсүхийн мэндчилгээг уламжилж, эрүүл энхийг хүсэхийн зэрэгцээ Монгол, Чехийн найрсаг харилцаа, хамтын ажиллагааг бататган бэхжүүлэхийн төлөө байгаагаа илэрхийллээ.

Ерөнхийлөгч М.Земан манай оронд айлчилснаа дурдаж, Монгол их сайхан орон байсныг дурсан Элчин сайдад ажлын амжилт хүсэв хэмээн ГХЯ-наас мэдээллээ.