• 4 сарын 16, Мягмар
|
Уншиж байна ...
ХУУЧИРСАН МЭДЭЭ: 2021/12/09-НД НИЙТЛЭГДСЭН

Цэргүүд Замын-Үүдэд 840 чингэлэг буюу 25,253 тонн ачааг машинаас вагонд шилжүүлэн ачжээ

А.Намуун, iKon.mn
2021 оны 12 сарын 9
iKon.MN
Зураг зураг
Эх сурвалж: ЗХЖШ
00:00 00:00
Цэргүүд Замын-Үүдэд 840 чингэлэг буюу 25,253 тонн ачааг машинаас вагонд шилжүүлэн ачжээ
Sara, ikon.mn - text to speech

Зэвсэгт хүчний 336 дугаар ангийн 200 хүний бүрэлдэхүүн хоёр ээлжээр Замын-Үүд боомтод 67 хоног ажиллажээ.

Тодруулбал, УБТЗ-ын харьяа Замын-Үүд боомтын 1, 3 дугаар талбайд нийт 840 чингэлэг буюу 25,253 тонн ачааг автомашинаас вагонд шилжүүлэн ачиж, Монгол Улсын зах зээлд үүсээд байсан түүхий эд, бараа материалын хомсдол, үнийн өсөлтийг буруулахад дэмжлэг үзүүлэн хамтран ажилласан байна.

Монгол Улсын Засгийн газар, Улсын Онцгой комиссын шийдвэрийн хүрээнд ЗХЖШ-ын даргын тушаалаар Улаанбаатар төмөр зам, Зэвсэгт хүчний 336 дугаар ангийн захирагчтай хамтын ажиллагааны гэрээний хүрээнд энэхүү ажил хийгдсэн аж.

Мөн тус ангийн миномётын батарейг Улсын баатар Д.Данзанваанчигийн нэрэмжит болгохтой холбогдуулан нэрэмжит буланг шинээр хийх ажлыг ахмад В.Цогбадрах хоёр  сарын хугацаанд хийж дуусгасан тухай ЗХЖШ-аас дэслэгч Ч.Бодьгэрэл мэдээллээ.