УДБЭТ-ын уран бүтээлчид эрүүл мэндийн салбарынханд "Монгол бахархал" тоглолтыг зориулна
Улсын Дуурь Бүжгийн Эрдмийн театрын хамт олноос Коронавируст халдвар (КОВИД-19)-ын цар тахалтай тэмцэхэд хоёр жилийн хугацаанд тасралтгүй тэргүүн эгнээнд ажиллаж буй эрүүл мэндийн салбарын ажилтнуудад хүндэтгэл үзүүлж "Монгол бахархал" тоглолтыг 2021 оны 11 дүгээр сарын 27, 28-ны өдрүүдэд 17:00 цагаас толилууахаар болжээ.
Энэхүү тоглолтыг Улсын Дуурь Бүжгийн Эрдмийн театр, Эрүүл мэндийн яам хамтран зохион байгуулна.
Тус театрын уран бүтээлчид эрүүл мэндийн салбарын 600 эмч эмнэлгийн ажилчдад хоёр өдрийн турш үнэ төлбөргүй тоглох юм байна.
Үүнд Эрүүл мэндийн яамны харьяа төрөлжсөн мэргэшлийн эмнэлэг, тусгай мэргэшлийн төв, Засгийн газрын хэрэгжүүлэгч агентлаг Эрүүл мэндийн даатгалын ерөнхий газар, Нийслэлийн эрүүл мэндийн газар, түүний харьяа эрүүл мэндийн байгууллагуудын ажилтнуудын төлөөллийг оролцуулах аж.
