Уншиж байна ...
Зураг
Зураг
ХУУЧИРСАН МЭДЭЭ: 2021/11/24-НД НИЙТЛЭГДСЭН

“Squid Game”-ийг “Hellbound” орлох болов

Э.Сэмүүн, ikon.mn
2021 оны 11 сарын 24
iKon.MN
Зураг зураг

Энэ намар Өмнөд Солонгосын уран бүтээлчдийн “Squid Game” цуврал дэлхийн үзэгчдийг байлдан дагуулж байсан бол өнөөдөр өөр нэг шинэ цуврал нь түүний байр суурийг эзэлж эхэлжээ.

Өнгөрсөн долоо хоногт цацагдаж эхэлсэн уран зөгнөл, аймшгийн төрлийн “Hellbound” цуврал хэдхэн хоногийн дотор Нэтфликсийн хамгийн их үзэлттэй контент болсон байна.

FlixPatrol байгууллагын шинжээчдийн тооцоолсноор уг цуврал цацагдаж эхэлснээсээ хойш 24 цагийн дотор дэлхийн 80 гаруй орны жагсаалтыг тэргүүлж, арваннэгдүгээр сарын 20-ны өдөр Нэтфликсийн хамгийн их үзэлттэй контент болжээ.

“Hellbound” цувралд аварга биет, нууцлаг амьтад нүгэлтэй хүмүүсийг там руу илгээхээр урьдчилж мэдэгдсэн цагт гарч ирдэг болсон тухай үзүүлдэг.

Энэ үзэгдэл нийгмийг самууруулж, зарим шашны байгууллагын хүч нөлөөг нэмэгдүүлдэг байна. Харин уг нөлөөнд автаагүй хэсэг хүмүүс нууцлаг үзэгдлийн учрыг тайлахаар тэмцэж буйг “Hellbound” цувралд үзүүлдэг тухай Нэтфликс мэдээлжээ.

 

Эх сурвалж: CNN