Монгол Улсын зах зээлд CU брэндийн конвиниенс дэлгүүрийг нэвтрүүлэгч Сэнтрал Экспресс Си Ви Эс компани хувьцаагаа анхдагч зах зээлд арилжаалах зөвшөөрлөө өнгөрөгч лхагва гарагт буюу 10-р сарын 13-ны өдөр Монгол Улсын Санхүүгийн зохицуулах хорооноос албан ёсоор авлаа.

 

Сэнтрал Экспресс Си Ви Эс компани нь 2017 онд байгуулагдсан бөгөөд олон улсын CU конвиененс дэлгүүрийн сүлжээг 2018 оноос Монгол Улсад нэвтрүүлж, өнгөрсөн 3 жилийн хугацаанд 140 салбар дэлгүүр бүхий Монголын хамгийн том конвиниенс дэлгүүрийн сүлжээ болж, үйл ажиллагаагаа амжилттай удирдан явуулж байна.

CU брэнд нь Монгол Улсад эрчимтэй өсөж буй конвиниенс дэлгүүрийн зах зээлийн 70 гаруй хувийг эзэмшдэг, салбарын тэргүүлэгч брэнд юм. Сэнтрал Экспресс Си Ви Эс компани нь CU конвиниенс дэлгүүрийн сүлжээнээс гадна, CU нэрийн хоолны үйлдвэр, Агуулах ба түгээлтийн төв, 325 мянган үнэнч хэрэглэгч бүхий CU аппликейшныг нэвтрүүлсэн жижиглэн худалдааны салбар дахь хамгийн том дэд бүтэцтэй компани юм.

ХУВЬЦААНЫ МЭДЭЭЛЭЛ

Сэнтрал Экспресс Си Ви Эс компани 15%-иа олон нийтэд санал болгож,

24.9 тэрбум төгрөгийг татан төвлөрүүлэхээр 119.9 сая ширхэг хувьцааг, нэгжийн үнийг нь 208 төгрөгөөр санал болгож байгаа бөгөөд CUMN хувьцааны үндсэн андеррайтер Голомт Капитал ҮЦК ХХК, туслах андеррайтер Апекс Капитал ҮЦК ХХК, хуулийн зөвлөхөөр B&P компаниуд ажиллаж байна.

 

Татан төвлөрүүлэх хөрөнгийн 76% буюу 19 тэрбум төгрөгийг шинээр байгуулах салбар дэлгүүрийн (95 салбар дэлгүүр) хөрөнгө оруулалт, 12% буюу 2.9 тэрбум төгрөгийг түгээлтийн төвийн шинэчлэлд, үлдэж буй 12% болох 3 тэрбум төгрөгийг хоолны үйлдвэрийн шинэчлэлд зарцуулна.

Анхдагч зах зээлийн захиалга 10-р сарын 29-нд Монголын Хөрөнгийн бирж дээр эхэлж, 11-р сарын 4-ийг дуустал үргэлжилнэ. Хувьцааны талаар дэлгэрэнгүй мэдээллийг https://cumongol.mn/ipo/ цахим хуудас, CU апп болон өөрт хамгийн ойр СU-ийн салбар дэлгүүрүүдэд хандан авах боломжтой. Мөн та СU аппликейшнээр дамжуулан хувьцааны данс нээж, захиалга өгөх боломжтой.

Эрхэм хөрөнгө оруулагч та өдрөөр өсөж буй

CU бизнест тавтай морилно уу?