Уншиж байна ...
Зураг
Зураг
ХУУЧИРСАН МЭДЭЭ: 2021/10/09-НД НИЙТЛЭГДСЭН

Фэйсбүүк компанийн үйлчилгээнүүд долоо хоногийн дотор хоёр дахь удаагаа тасалджээ

Р.Түвшин, iKon.mn
2021 оны 10 сарын 9
iKon.MN
Зураг зураг

Улаанбаатарын цагаар өнгөрсөн шөнө Facebook, Instagram үйлчилгээнүүд тасалдсан нь долоо хоногийн дотор гарсан хоёр дахь тохиолдол болжээ.

Энэ удаагийн тасалдал Instagram үйлчилгээнд голлон нөлөөлсөн байна. Фэйсбүүк компанийн зүгээс хэрэглэгчдээсээ уучлал гуйж, дахин саатал гаргахгүйн тулд хичээж ажиллахаа амлажээ.

Баасан гарагийн тасалдал нь өнгөрсөн Даваа гарагийнхтай харьцуулахад богино хугацаанд үргэлжилсэн байна. Тодруулбал Улаанбаатарын цагаар шөнийн 02:00 цагаас 04:00 цагийн хооронд үргэлжилснийг Downdetector сайт мэдээлжээ.

Даваа гарагийн тасалдал нийтдээ бараг 7 цаг үргэлжилж, Фэйсбүүк компанийн эзэмшдэг Facebook, Instagram, WhatsApp үйлчилгээнүүдэд нөлөөлсөн юм.

Дотоод техникийн асуудлаас болж үйлчилгээ тасалдсаныг Фэйсбүүк компани тухайн үед тайлбарлаж байжээ.

Facebook нь өнөөдөр дэлхийн хамгийн том сошиал платформд тооцогддог бөгөөд 2.8 тэрбум орчим идэвхтэй хэрэглэгчтэй гэгддэг.

Мессэнжэрийн WhatsApp платформ 2 тэрбум, фото, видео хуваалцдаг Instagram платформ 1.3 тэрбум орчим хэрэглэгчтэй болжээ.

 

Эх сурвалж: BBC