Шатахууны татан авалттай холбоотойгоор зарим ААН-ийн шатахуун түгээх станц хязгаарлалттайгаар борлуулалт хийж байгааг албаныхан мэдээлсэн. Үүнтэй холбоотойгоор АИ-92 авто бензин худалдаалж байгаа ШТС-уудад урт дараалал үүсээд байна. Зарим тохиолдолд дараалал замын нэгдүгээр эгнээгээр үргэлжилж, замын түгжрэл үүсгэж байгаа юм.
Үүсээд буй нөхцөл байдлын зохицуулахын тулд арга хэмжээг авч эхлээд байгаа. Тодруулбал, манай төлөөлөгч нар ОХУ-д очсон. Маргааш ОХУ-ын нийлүүлэгч компанитай уулзалт хийнэ. Мөн БНХАУ-ын Элчин сайдтай сая уулзан, шатахуун тээвэрлэн авчрах вагоныг ойрын хугацаанд замд гаргах боломжийн талаар ярилцсан гэдгийг УУХҮ-ийн сайд Г.Ёндон хэлсэн юм.
Гэрэл зургийг mpa.mn