Сүүлийн хоногт Дорнод аймагт коронавируст халдварын 395 тохиолдол шинээр бүртгэгдсэн нь бусад аймгийнхаас харьцангуй өндөр үзүүлэлт юм.
Баян-Өлгий, Увсаас бусад 19 аймагт нийт 1,534 тохиолдол батлагдсаны 25 хувь нь Дорнод аймагт бүртгэгджээ. Дорнод аймагт наймдугаар сарын 20-ноос хойш халдварын тохиолдол тогтмол нэмэгдсээр нийт 7,248 хүн өвчлөөд байна.
Мөн хугацаанд Булган, Өвөрхангай, Сэлэнгэ, Төв аймагт коронавируст халдварын 100-аас дээш тохиолдол бүртгэгдлээ.