Улаанбаатар хотод явуулын 24 цэгт 38 багийн 188 эмч, ажилтан ажиллаж, 2,492 иргэнийг дархлаажуулахаар төлөвлөжээ.
Вакцинжуулалт эхэлснээс хойш нийслэлийн нийт хүн амын I тунгийн хамралт 74 хувь, II тунгийн хамралт 69.1 хувь байна. Зорилтот бүлгийн буюу 2,666 (22.4 хувь) жирэмсэн эх, 12-15 насны 56,334 (63.4 хувь), 16-17 насны 23,350 (68.9 хувь) хүүхэд тус тус дархлаажуулалтын бүрэн тунд хамрагджээ.
"Маргааш буюу наймдугаар сарын 30-ны өдрөөс эхлэн 55-аас дээш насныхан болон боловсролын байгууллагын ажилчид, архаг суурь өвчтэй иргэд, хариу арга хэмжээний багийнхан гээд нийт 450,000-500,000 иргэнд коронавирусийн эсрэг вакцины гурав дахь тунг сайн дурын үндсэн дээр хийж эхэлнэ.
Синофармын вакцины хоёр тунг хийлгэсэн иргэд гурав дахь тунд хамрагдахыг хүсвэл Синофармын Vero Cell эсвэл Pfizer вакциныг өөрийн сонголтоор сайн дураар хийлгэх боломжтой. Ингэснээр манай улсад тархаад байгаа коронавирусийн Дельта хувилбараас хамгаалах"-ыг Эрүүл мэндийн сайд С.Энхболд мэдэгдээд буй.