ХУУЧИРСАН МЭДЭЭ: 2021/08/22-НД НИЙТЛЭГДСЭН
Завхан, Увс зэрэг баруун аймгуудын нутгаар цас орж, цасан бүрхүүл тогтжээ
iKon.MN
Ус, цаг агаар, орчны шинжилгээний газар
Зарим аймагт өнөөдөр өглөө цас орлоо.
Өртөө, харуулуудын талбай дээрх ажиглалтын мэдээгээр өнөөдөр өглөө 08:00 цагийн орчимд Увсын зүүн, Завхан, Говь-Алтайн хойд, Хөвсгөлийн зарим газраар 0.0-5.0 см зузаан цасан бүрхүүл тогтсон байна.
Үүнээс хамгийн их нь Увсын Цагаанхайрхан, Зүүнхангайд 5 см, Завханы Сонгино суманд 5 см байна.
Мөн Завхан аймгийн Баянхайрханд 4 см, Цэцэн-Уулд 3 см, Говь-Алтайн Алтайд 3 см, Хөвсгөлийн Арбулагт 2 см, бусад нутгаар 0-1 см зузаан цастай байна гэж Ус, цаг агаар, орчны шинжилгээний газраас мэдээлэв.
