Уншиж байна ...
Зураг
Зураг
ХУУЧИРСАН МЭДЭЭ: 2021/08/20-НД НИЙТЛЭГДСЭН

Төв аймгийн Эрдэнэ сумын Засаг дарга тогтоол зөрчин ашигт малтмал олборлох гэрээ байгуулсан байж болзошгүй үйлдлийг илрүүлжээ

Д.Янжиндулам, ikon.mn
2021 оны 8 сарын 20
iKon.MN
Зураг зураг
Гэрэл зургийн эх сурвалж: Экологийн цагдаагийн алба

Төв аймгийн Эрдэнэ сумын тавдугаар багийн нутаг дэвсгэрт байх “Урт гозгор” гэх газарт “Эрдэнэ олово” нөхөрлөл нь хууль бусаар газрын хэвлийд халдаж ашигт малтмал олборлох үйл ажиллагаа явуулж байна гэх мэдээлэл Цагдаагийн байгууллагад очжээ.

Мэдээллийн дагуу таслан зогсоох зорилгоор ЦЕГ-ын Экологийн цагдаагийн албаны алба хаагчид наймдугаар сарын 17, 18-ны өдрүүдэд хяналт шалгалт зохион байгуулсан байна.

Шалгалтаар, “Эрдэнэ олово” нөхөрлөл нь уг талбайд 2021 оны дөрөвдүгээр сарын 1-ний өдөр Төв аймгийн Эрдэнэ сумын Засаг даргатай Засгийн газрын 2019 оны 355 дугаартай тогтоолыг зөрчиж, бичил уурхайгаар ашигт малтмал олборлох тухай 1/16 дугаартай гэрээ байгуулан техник хэрэгсэл ашиглан газрын хэвлийд халдаж ашигт малтмал олборлосон байж болзошгүй гэмт хэргийн шинжтэй үйлдлийг илрүүлжээ.

Одоогоор 10 иргэнээс гэрчийн мэдүүлэг авч, шалгалтын үйл ажиллагаа явуулж байгаа талаар Экологийн цагдаагийн албанаас мэдээллээ.

 
Гэрэл зургийн эх сурвалж: Экологийн цагдаагийн алба
 
Гэрэл зургийн эх сурвалж: Экологийн цагдаагийн алба