Баянхонгор аймгийн Шинэжинст суманд долдугаар сард +40.1 хэм хүртэл халжээ
Долдугаар сард агаарын үнэмлэхүй их температур буюу +40.1 хэмийн халуун Баянхонгор аймгийн Шинэжинст суманд бүртгэгдсэн үнэмлэхүй бага температур мөн л тус аймгийн Галуут суманд, 0.8 хэм бүртгэгдсэн байна.
Цаг уур, орчны шинжилгээний газрын мэдээгээр 2021 оны долдугаар сард орсон хамгийн их хур тунадасны нийлбэр Хөвсгөл аймгийн Шинэ-Идэр суманд 208.3 мм-т хүрчээ.
Үнэмлэхүй их салхины хурд Дундговь аймгийн Сайхан-Овоо суманд 34 м/с-д хүрсэн байна.
Долдугаар сард байгалийн болон геологийн гаралтай 2,333 үзэгдэл осол тохиолдсоны
- 1,549 нь хүний үйл ажиллагаатай холбоотой
- 46 нь биологийн гаралтай аюулт үзэгдэл бол
- 377 нь бусад шалтгаантай байна.
Энэ нь өмнөх оны мөн үеэс 428 буюу 15.5%- аар буурсан байна.
Объектын түймэр 1,521 удаа гарсан нь мөн 26.8%-аар буурсан дүн.
Харин 562 удаа аянга цахилгаан, мөндөр ажиглагдсан нь өмнөх сараас 255-аар буюу 1.8 дахин нэмэгджээ.
Энэ оны эхний долоон сарын байдлаар аюулт үзэгдэл, ослын улмаас нийт 1,092 хүн амь насаа алдсан дүн байна. Энэ нь өмнөх сараас 361-ээр буюу 1.5 дахин өсжээ.
- Бичил уурхай, нурангийн улмаас 5 хүн
- усны ослоор 91 хүн
- хүчтэй салхи, шуурганы улмаас 11 хүн
- объектын түймрийн улмаас 38 хүн
- шинэ төрлийн коронавируст халдварын улмаас 920 хүн
- бусад золгүй явдлын улмаас 27 хүн амь насаа алджээ.
Аюулт үзэгдэл, ослын улмаас
- 16.4 тэрбум төгрөгийн хохирол учирч, 1.9 тэрбум төгрөг зарцуулсан бол
- 2,455 хүнийг аварч, 56.4 тэрбум төгрөгийн эд хөрөнгийг хамгаалсан байна.
