Б.Болортуяа, М.Лхагвагэрэл нар олимпын наадмын хагас шигшээд шалгарлаа

Гэрэл зургийн эх сурвалж: МҮОХ

Манай улсын тамирчин Б.Болортуяа Токио 2020 олимпын наадамд чөлөөт бөхийн эмэгтэйчүүдийн 53 кг-ын жинд өрсөлдөж байна.

Тэрбээр шөвгийн наймд Эквадор улсын бөх Валверде Мелендрестэй учраа таарч 15:5 харьцаатайгаар илүүрхлээ. Ингэснээр Б.Болортуяа хагас шигшээд үлдэж байна.

Мөн эрэгтэйчүүдийн 125 кг-ын жинд өрсөлдөж буй М.Лхагвагэрэл шөвгийн наймын барилдаанд өрсөлдөгчөө ялснаар хагас шигшээд шалгарч байна.

• 17:45 - М.Лхагвагэрэл мөнгөн медалийн төлөө Гэйбл Дэн Стевесонтай (АНУ).
• 18:05 - Б.Болортуяа мөнгөн медалийн төлөө Маю Мүкайдатэй (Япон).
• 19:55 - Б.Хонгорзул хүрэл медалийн төлөө Хелен Луйз Марулистай (АНУ).