БШУЯ: 1993-2016 оны хооронд дотоодын их, дээд сургуулиудад “Хөнгөлөлттэй зээл”-ээр суралцаж төгссөн төгсөгчид дипломоо авна уу

Төрийн сангийн санхүүжилтээр суралцаж төгссөн хүмүүс Боловсролын зээлийн сангаас дипломоо авна уу. 

Тодруулбал, 

“1993-2016 оны хооронд төрийн сангийн санхүүжилтээр суралцаж төгссөн 15 мянга орчим төгсөгчийн диплом Боловсролын зээлийн санд байна. Үүнээс:

• Засгийн газрын 2004 оны 22 дугаар тогтоолын дагуу 2003-2004 оны хичээлийн жилээс өмнө Монгол Улсын их, дээд сургууль, коллеж төгссөн төгсөгчдийг сургалтын төлбөрийн зээл, түүний хүүгийн төлбөрөөс бүрэн чөлөөлж дипломыг олгоно. 

• Засгийн газрын 2008 оны 178 дугаар тогтоолын дагуу 2007-2008 оны хичээлийн жилээс өмнө Монгол Улсын их, дээд сургууль, коллежийг 2.8-аас дээш голч дүнтэй, эзэмшсэн мэргэжлээрээ 2-оос дээш жил үр бүтээлтэй ажиллаж байгаа төгсөгчдийг сургалтын төлбөрийн зээл, түүний хүүгийн төлбөрөөс бүрэн чөлөөлж дипломыг олгоно.

• Дээрх 2 заалтыг бүрэн хангаагүй төгсөгч сургалтын төлбөрийн зээлээ төлж дипломоо авна.

Бүрдүүлэх материал: 

• Нийгмийн даатгалын дэвтэр /эх хувь/
• Иргэний үнэмлэх /эх хувь/
• Ажлын газрын тодорхойлолт

 

Мэдээлэл авах утас: 70047009 /2-1 дотуур дугаар/

Эх сурвалж: Боловсрол, шинжлэх ухааны яам