ОЛИМП 2020: Япон улсад Монголын баг тамирчдын байрлах тосгон
Олимпын тосгоны мэдээллийг Монголын Үндэсний олимпын хорооноос мэдээллээ.
Олимпын наадамд оролцогч болгон тамирчдын тосгоны хүлээн авах байранд хүрэлцэн ирж, мандат (Pre Valid Card) идэвхжүүлэх хэсэгт идэвхжүүлснээр тамирчдын тосгонд нэвтрэх эрх үүсдэг байна.
Мөн зохион байгуулах хорооноос мандат болон нүүр таних системээр уншуулж явж болдог аж.
Монгол Улсын баг 5C байрны 14 давхарт байх бөгөөд тус блокт Сингапур, Хонг Конг, БНХАУ, Пуэрто Рико улсуудтай хуваарилагджээ.
Манай улсын Бокс, 3х3 сагсан бөмбөг, сэтгүүлчдийн төлөөлөл болон МҮОХ-ны штабын ажилтнууд бүхий 25 хүний бүрэлдэхүүнтэй баг Японд хүрэлцэн очоод байгаа билээ.
Боксчид олимпын өмнөх бэлтгэлээ Шимада хотноо базаах бол 3х3 сагсан бөмбөгийн баг Яизү хотноо бэлтгэл сургуулилалтаа хийх юм. Харин сагсчдын хувьд 24-нд Итали, АНУ-ын багтай эхний тоглолтоо хийх хуваарьтай байгаа юм.
