2021/09/23
Америк доллар
МОНГОЛ БАНК:
2,848.51₮
B30
УЛААНБААТАР
15°
|
B30
УЛААНБААТАР
20°
|
B30
УЛААНБААТАР
17°
|
11°
16:00
S32
13°
17:00
S32
12°
18:00
S32
11°
19:00
S31
20:00
S31
21:00
S31
22:00
S31
23:00
S31
00:00
S31
01:00
S31
02:00
S31
03:00
S31
Энэ мэдээ хуучирсан буюу 2021/06/12 -нд нийтлэгдсэн мэдээ болно.

Их Долоон гүрний удирдагчдын уулзалт Британи арлын баруун өмнөд эрэгт эхэллээ

С.Мөнхцэцэг, ikon.mn
2021 оны 6 сарын 12
iKon.MN
Зураг

Дэлхийн хүчирхэг эдийн засагтай долоон гүрний удирдагчдын уулзалт Баасан гарагт Британийн баруун өмнөд Корнвол гүнлэгийн далайн эрэг дэхь Карбис Бэй тосгонд эхэлжээ.

АНУ, Их Британи, Канад, Франц, Герман, Итали, Японы төрийн тэргүүнүүд коронавирусийн цар тахал эхэлснээс хойш анх удаа нүүр тулан уулзацгааж байгаа нь энэ юм.

Тэдэн дээр нэмээд Европын Холбооны хоёр удирдагч Корнволд ирсэн байна. Их Долоогийн удирдагчид Баасан гарагаас эхлээд Ням гарагийг хүртэл гурван өдөр ихэвчлэн хаалттай хуралдах юм.

Уулзалтын гол сэдэв нь дэлхий дахины коронавирусийн эсрэг вакцинжуулалт, уур амьсгалын өөрчлөлт байх төлөвтэй байна.

Баасан гарагийн орой Их Британийн хатан хаан Хоёрдугаар Элизабет долоон гүрний удирдагчдыг хүлээж авч, хүндэтгэл үзүүлжээ.

Эхний өдрийн уулзалтын үеэр АНУ-ын ерөнхийлөгч Жо Байден коронавирусийн эсрэг вакцины 500 сая тунг дэлхийн буурай хөгжилтэй улс орнуудад хандивлахаа амлаж, бусад удирдагчдад ижил арга хэмжээ авахыг уриалсан юм.

Дараах зураг дээр АНУ-ын ерөнхийлөгч Жо Байден, Японы ерөнхий сайд Ёшихиде Сүга, Германы канцлерь Ангела Меркель, Их Британийн ерөнхий сайд Борис Жонсон, Францын ерөнхийлөгч Эммануэл Макрон, Канадын ерөнхий сайд Жастин Трюдо, Италийн ерөнхий сайд Марио Драги, Европын Холбооны удирдах зөвлөлийн ерөнхийлөгч Шарль Мишель, Европын Холбооны гүйцэтгэх засаглалын тэргүүн Урсула фон дер Ляйен нар байна.

 
 
 
 
 
 
 

 

Эх сурвалж: BBC

 

x