Саяхан 5 жилийн ой нь болоод буй Инвескор ББСБ ХК нь ₮20 тэрбумын нээлттэй бондын хөтөлбөр зарлаад байна.  Эхний ээлжид ₮8 тэрбумыг босгох ба жилийн 13%-ийн хүүтэй, 2 жилийн хугацаатай, хүүгийн төлбөр нь жилд 2 удаа төлөгдөнө.

Ийнхүү 5 жилийн дотор Монголын хамгийн том ББСБ болж зах зээлийн үнэлгээ нь аль хэдийн ₮212 тэрбумд хүрсэн хүчирхэг компанийн бонд авч хөрөнгөө өсгөх боломж танд үүсэж байна.

 

Яагаад хөрөнгө оруулах ёстой вэ?

• Нээлттэй бонд: Монголын хөрөнгийн бирж дээр арилжаалагдах учир та мөнгө хэрэг болсон үедээ бирж дээр зарах боломжтой. Мөн бондоо зарсан өдөр хүртэлх  хуримтлагдсан хүүгээ авчихна. Дээр нь хүүгийн орлогын татвар 5%-ийг төлөх нь хадгаламжийн хүүгийн орлогын татвараас 2 дахин бага байгаа юм.
• Хэрэгтэй хөрөнгө оруулалт: Та хөрөнгө оруулалт хийж эхэлье гэж бодож байсан уу? Тэгвэл хамгийн анхны хөрөнгө оруулалтаа бондоор эхэлбэл танд алдах зүйл бараг байхгүй гэж хэлж болохоор юм. Бонд нь хувьцааг бодвол өгөөж нь тодорхой, хадгаламжийг бодвол өндөр өгөөжтэй мөн хөрвөх чадвар сайтай байдаг. Тиймээс та аль аль давуу талыг нь эдлэнгээ мөнгөө өсгөөд авах юм шүү.
• Хадгаламжийг орлох бүтээгдэхүүн: Топ 5 банкны 2 жилийн хугацаатай хадгаламжийн хүү дунджаар 8.2%-тай байгаа бол Инвескор Бонд нь танд 13%-ийн өгөөжтэй. Бонд нь хугацаатай хадгаламжийн бүх нөхцөлийг бүрдүүлэхээс гадна илүү олон давуу талуудыг санал болгодог юм.
• Баталгаа: Нийт гаргах 20 тэрбум төгрөгийн бондын эргэн төлөлтийн барьцаа буюу баталгаа нь Инвескор ББСБ ХК-ийн 36.6 тэрбум төгрөгийн үнэлгээ бүхий 12 сая ширхэг хувьцаа байна.

Найдвартай юу?

 

Бонд гаргагч компани бондоо эргүүлэн төлөх чадваргүй болсон тохиолдолд л танд эрсдэл үүснэ. Тэгэхээр бонд гаргаж буй компанийг нь л сайн судлаад авбал та мөнгөндөө санаа зовох хэрэггүй.

Ерөнхийдөө компанийн дараах 3 зүйлийг анхаарахад болох юм:

• Компанийн санхүү: Инвескор ББСБ ХК нь байгуулагдсан цагаасаа гэрлийн хурдаар өсөж байгаа учир бид “Пуужин Инвескор” гэж хочилдог юм. Анх ₮4.5 тэрбумын хөрөнгөтэй бизнесээ эхэлж байсан тэд 5 жилийн дотор ₮135.9 тэрбумын хөрөнгөтэй болжээ. 2020 онд ₮12.3 тэрбумын ашигтай ажилласан нь зарим арилжааны банкуудын ашгаас ч өндөр үзүүлэлт юм. Мөн 2019 онд IPO хийснээс хойш хувьцааны ханш нь 84%-иар өссөн гэдэг нь ерөнхийдөө бүгдийг ойлгомжтой харуулж байгаа болов уу.
• Үйл ажиллагаа: Инвескор нь зөвхөн ББСБ биш бөгөөд лизинг, фанд, үнэт цаасны компани, үл хөдлөх  хөрөнгийн компани, хиймэл оюун ухаан дээр суурилсан IT-ийн компани, UI&UX дизайн хөгжүүлэлтийн компани зэрэг өргөн хүрээнд үйл ажиллагаагаа явуулдаг групп компани юм. Мөн финтек хөгжлөөс хоцролгүй “Покет” цахим хэтэвч, төлбөр тооцоо, дижитал зээлийн аплликэйшнийг зах зээлд амжилттай нэвтрүүлж, 2020 оны хамгийн их татагдсан аппликэйшн болсон байна.
• Ил тод байдал: Инвескор ББСБ нь 2019 онд анх олон нийтэд хувьцаагаа санал болгон Монголын хөрөнгийн бирж дээр бүртгэгдсэн билээ. Нээлттэй ХК учир бүхий л санхүү, үйл ажиллагааны мэдээллээ ил тод байлгах үүрэгтэй байдаг. Өөрөөр хэлбэл та хэзээ ч тэдний юу хийж буйг ямар ашигтай ажилласныг шалгаад явах боломжтой байдаг шүү.

 

Хэрхэн бонд худалдаж авах вэ?

Та аль нэг үнэт цаасны компанид данстай юу? Хэрвээ тийм бол тэр компанидаа хандан захиалга өгөхөд л болно. Анхдагч арилжаа 6-р сарын 14-16 хооронд явагдана.

Мөн та үнэт цаасны дансаа нээлгэж хараахан амжаагүй байгаа бол Инвескор Капитал ҮЦК-д хандан дансаа нээлгэж бондын арилжаанд хөнгөлөлттэй нөхцлөөр оролцох боломжтой.

Утас: 7709-0077 /2/, Имэйл: info@icapital.mn

Энэхүү нийтлэлийг Lemon Press-ийн контентийн баг бүтээсэн бөгөөд та энэ мэтчилэн бизнес, санхүүгийн мэдээллийг тогтмол имэйлээрээ авч байхыг хүсвэл www.lemonpress.mn -д үнэгүй имэйлээ бүртгүүлээрэй.

Sponsored by Invescore NBFI JSC