АНУ-ын тэнгисийн флот анх удаа автомат жолоодлоготой дрон ашиглан байлдааны сөнөөгч онгоцыг агаарт шатахуунаар цэнэглэж чадсанаа зарлажээ.
Баасан гарагт Иллиноис мужийн Маскута дахь агаарын баазын ойролцоо Boeing MQ-25 T1 Stringray шатахуун тээвэрлэгч дрон F/A-18 Super Hornet сөнөөгч онгоцыг амжилттай цэнэглэж чадсан байна.
Дрон зохих өндөрт, зохих хурдтай нисэж яваа сөнөөгч онгоцны урд 6 метрийн зайтай байрласны дараа шатахуун шахах хоолойгоо сунгаж, амжилттай цэнэглэж чаджээ.
MQ-25 дрон нь 6,800 литр шатахуун тээвэрлэх багтаамжтай. Үүнийг ашигласнаар АНУ-ын тэнгисийн флот хүний зардлыг багасгаж, дайсны довтолгоо хүрэхээргүй алс зайд үүрэг гүйцэтгэх боломжтой болж байгаа ажээ.
2018 оны наймдугаар сард Пентагон ийм дронтой болох захиалгыг Boeing компанид өгч, төслийг $805 саяар санхүүжүүлсэн байна. Үүнээс жилийн дараа MQ-15 анхны туршилтын нислэгээ үйлдэж байжээ.
Шатахуунаар цэнэглэгч дроныг бусад төрлийн байлдааны нисэх онгоцнуудтай туршиж дууссаны дараа 2024 оноос эхлэн тэнгисийн флотод ашиглаж эхлэхээр төлөвлөсөн байна.
Эх сурвалж: Business Insider