COVID-19-ийн улмаас эмнэлэгт хэвтэн эмчлүүлж буй 5,096 хүний 2.5 хувь нь маш хүнд байна
Улсын хэмжээнд 9,449 хүн коронавируст халдварын улмаас тусгаарлагдан эмчлүүлж байгааг Эрүүл мэндийн яамнаас мэдээллээ.
Үүнээс 5,096 хүн эмнэлэгт хэвтэн эмчлүүлж байгаа бол үлдсэн 4,353 хүн хөнгөн хэлбэрийн оноштойгоор гэртээ эмчлүүлж буй.
Эмнэлэгт хэвтэн эмчлүүлж байгаа хүмүүсийн биеийн байдлыг үнэлбэл,
- Хөнгөн – 2,755
- Хүндэвтэр – 1,741
- Хүнд - 474
- Маш хүнд - 126 хүн байна.
Энэ талаар ЭМЯ-ны хэвлэлийн төлөөлөгч Б.Ууганбаяр “Маш хүнд өвчтөний тоо буурахгүйн дээр нас баралт бүртгэгдсээр байна. Өнөөдрийн байдлаар эмнэлэгт хэвтэн эмчлүүлж байгаа хүмүүсийн 2.5 хувийг маш хүнд өвчтөнүүд эзэлж байна.
Нэг хүн халдвар авахад цаана нь 3-4 хүн энэ өвчнөөр өвчлөх эрсдэлтэй.
Ялангуяа гэрийн ажиглалтад байгаа иргэд өөрийн биеийн үргэлж хянаж, өрхийн эмчдээ мэдээлэхийг зөвлөж байна. Биеийн байдлаа сайтар үнэлж, хүндрэх эрсдлээс сэргийлэх нь чухал” хэмээн онцлов.
ВИДЕО:
