Дэлхийд хоёрт орох өндөр барилгыг Санкт Петербург хотод босгохоор төлөвлөжээ
Өнгөрсөн долоо хоногт Шотландын барилга архитектурын компани Kettle Collective ОХУ-ын Санкт Петербург хотод баригдах дэлхийн хоёр дахь өндөр цамхагийн зураг төслийг танилцуулжээ.
703 метр өндөр Лахта Центр II нь АНЭУ-ын Дубай хотын 828 метр өндөр Бурж Халифагийн дараа орох өндөр барилга болох юм байна.
Гэхдээ 590 метрийн өндөрт байрлах дээд давхар нь хүн ажиллаж, амьдрах зориулалттай дэлхийн хамгийн өндөр давхар болж байгаагаа онцлог ажээ. Бусад өндөр барилгуудын хувьд ийм өндөрт алсыг харах зориулалттай нийтийн задгай танхим байрладаг байна.
Одоогоор дэлхийн хоёр дахь өндөр барилга нь 632 метр өндөр Шанхай цамхаг юм.
Санкт Петербург хотод өмнө нь баригдсан Лахта Центр цамхаг нь 462 метр өндөр. Европын хамгийн өндөр барилгад тооцогдох уг цамхагт одоо Оросын Газпром компанийн оффис байрладаг байна.
Kettle Collective компанийн дизайн хариуцсан захирал Тони Кеттл өмнө нь RMJM архитектурын компанид ажиллаж байхдаа Лахта Центрийн загварыг бас гаргаж байжээ.
Эх сурвалж: CNN
