СЭРЭМЖЛҮҮЛЭГ: Хүүхдийг ачааны машины тэвшинд тээвэрлэсний улмаас унаж, нас баржээ
Сүүлийн өдрүүдэд иргэд өөрсдийн хариуцлагагүй үйлдлээс болж гэртээ угаартаж нас барах тохиолдол тасрахгүй байгаа талаар Цагдаагийн байгууллагаас мэдээллээ.
Тухайлбал, өнгөрсөн шөнө Чингэлтэй болон Баянзүрх дүүрэгт хоёр иргэн угаартаж нас барсан харамсалтай хэрэг гарчээ.
Хэргийн шалтгааныг тодруулахад, тухайн хоёр иргэн монгол гэрт зуухны яндангаа авч, өрхөө бүтээсэн гэж дүгнэсэн байна.
Мөн өдөр Сэлэнгэ аймгийн Хушаат сумын нутагт "Портер" маркийн автомашины тэвшин дээр хүүхэд тээвэрлэсний улмаас осол гарчээ.
Тодруулбал, иргэн Э-ийн жолоодож явсан "Портер" маркийн автомашины тэвшин дээрээс дөрвөн настай зээ хүү нь унаж нас барсан хэрэг бүртгэгдсэн байна.
Түүнчлэн иргэд зуухны яндангаа сугалахдаа галыг бүрэн унтарсан эсэхийг шалгаж байхыг санууллаа.
