ХУУЧИРСАН МЭДЭЭ: 2021/05/22-НД НИЙТЛЭГДСЭН
СЭРЭМЖЛҮҮЛЭГ: Бага насны хүүхдийг малд явуулахгүй, жолооч нар хол замд тээврийн хэрэгслийн бүрэн байдлыг хангаж гарахыг анхааруулав
iKon.MN
Гэрэл зургийг Mpa.mn
Цаг уурын байгууллагаас ирүүлсэн мэдээгээр өнөөдөр Өмнөговь, Дорноговь, Дундговийн нутгаар салхи секундэд 28 метр, зарим үед секундэд 34 метрийг давж ширүүсэж, шороон шуурга шуурна.
Мөн Сүхбаатарын нутаг, Баянхонгор, Хэнтийн өмнөд хэсэг, Төв аймгийн зүүн өмнөд хэсгээр салхи секундэд 18–20 метр, зарим үед секундэд 24 метрийг давж ширүүсэж, шороон шуурга шуурахаар байна.
Түүнчлэн өнөөдөр баруун аймгуудын нутгийн зүүн хэсэг, төвийн аймгуудын ихэнх нутгаар, зүүн аймгуудын нутгийн баруун хэсгээр, 23-нд баруун болон төвийн нутгийн зарим газар, зүүн аймгуудын ихэнх нутгаар, 24-нд зарим газраар бороо, нойтон цас орж, цасан болон шороон шуурга шуурах төлөвтэй байна.
Иймд,
- Иргэд цаг агаарын мэдээ, мэдээллийг цаг тухай бүр сонсон, мэргэжлийн байгууллагаас өгч буй сэрэмжлүүлэг, анхааруулгыг дагах,
- Тээврийн хэрэгслийн жолооч нар хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчих,
- Иргэд, малчид болзошгүй эрсдэлээс урьдчилан сэргийлж, салхи шуурганд төөрөх, малтайгаа уруудах эрсдэлээс урьдчилан сэргийлж, малаа ойрын бэлчээрт хариулах, бага насны хүүхдийг малд явуулахгүй байхыг Онцгой байдлын ерөнхий газраас анхааруулж байна
Эх сурвалж: Онцгой Байдлын Ерөнхий Газар
