2021/07/25
Америк доллар
МОНГОЛ БАНК:
2,849.14₮
B30
УЛААНБААТАР
25°
|
15°
B30
УЛААНБААТАР
22°
|
14°
B30
УЛААНБААТАР
23°
|
13°
18:00
S26
21°
19:00
S26
20°
20:00
S26
19°
21:00
S26
18°
22:00
S26
17°
23:00
S26
16°
00:00
S26
16°
01:00
S26
15°
02:00
S26
15°
03:00
S26
15°
04:00
S26
14°
05:00
S26
14°
Энэ мэдээ хуучирсан буюу 2021/05/18 -нд нийтлэгдсэн мэдээ болно.

АНУ нөөцөөсөө 80 сая тун вакциныг дэлхийн бусад улс орнуудад хандивлахаар боллоо

Э.Сэмүүн, ikon.mn
2021 оны 5 сарын 18
iKon.MN
Зураг

Хятад, Орос улсууд өөр өөрийн бүтээсэн коронавирусийн эсрэг вакциныг дэлхийн олон улс оронд нийлүүлэх, хандивлах замаар нөлөөгөө нэмэгдүүлж байгаа гэгддэг.

Тэгвэл энэ тал дээр хоцорч байсан АНУ ижил арга хэмжээ авахаар болсноо өчигдөр зарлажээ. Тус улс нийтдээ 80 сая тун коронавирусийн эсрэг вакциныг дэлхийн бусад улс орнуудад хандивлахаар болсныг ерөнхийлөгч Жо Байден мэдэгдсэн байна.

“Хятад, Орос улсууд вакцинаа ашиглан дэлхий дахинд нөлөөгөө тогтоож байна гэсэн яриа их гарах боллоо. Тэгвэл бид ч бас өөрийн үнэт зүйлсээр дэлхийд тэргүүлмээр байна. Дэлхийн хоёрдугаар дайны үед Америк ардчиллын гол хүч болж байсан шигээ энэ удаа коронавирусийн цар тахлын эсрэг тэмцэлд вакцинжуулалтын хүч болох ёстой” гэж Цагаан ордонд хийсэн мэдэгдлийнхээ үеэр Байден хэлжээ.

Хандивын 80 сая тун вакцины 20 сая нь АНУ-д одоо хэрэглэгдэж байгаа Pfizer, Moderna, Johnson & Johnson компаниудын вакцин байх бол 60 сая нь AstraZeneca компанид захиалж авах вакцин нь байх гэнэ.

“Энэ бол дэлхийн аль ч улсын хандивласан вакцинаас доод тал нь тав дахин их, Орос, Хятад улсуудын хандивласныг нийлүүлснээс ч их хэмжээ юм” гэж Байден онцолжээ.

Тэр бас вакцин хандивласныхаа хариуд бусад улс орнуудаас ямар нэг амлалт шаардахгүй гэдгээ мэдэгдсэн байна.

Хятадын Синофарм, Синовак компаниуд нийлээд 17.4 сая тун вакциныг бусад улсуудад хандивлаж, 651 сая тунг борлуулсан гэдэг мэдээлэл бий.

ОХУ-ын хувьд үүнээс хавьгүй бага хэмжээтэй вакциныг гадаад зах зээлд нийлүүлээд байгаа.

Жо Байден дэлхийн улс орнуудын удирдагчдын бараг тал нь вакцины нийлүүлэлт дээр тусламж үзүүлэхийг гуйж, утсаар холбогдсон тухай өнгөрсөн долоо хоногт ярьж байв.

 

Эх сурвалж: Reuters

 

x