Энэ оны гуравдугаар сард ЭМД-ын сангаас хорт хавдрын 2,527 тохиолдолд 1.5 тэрбум төгрөгийн санхүүжилт олгосон байна
Эрүүл мэндийн даатгалын тухай хуульд орсон нэмэлт, өөрчлөлт орж 2021 оны нэгдүгээр сарын 1-нээс даатгуулагчид үзүүлэх эрүүл мэндийн тусламж, үйлчилгээний зардлын төлбөрийн дээд хязгаарыг мөрдөхгүй болсон.
Тэгвэл энэ оны гуравдугаар сард Эрүүл мэндийн даатгалын ерөнхий газраас хууль, тогтоомжийн дагуу 2,527 хорт хавдрын тохиолдолд 1.5 тэрбум төгрөгийг олгожээ.
Түүнчлэн гуравдугаар сарын байдлаар нийт 18,221 зорилтот бүлгийн иргэдэд 6.6 тэрбум төгрөгийн санхүүжилтийг Эрүүл мэндийн даатгалын сангаас санхүүжүүлжээ. Ингэснээр хүн амын зорилтод бүлэг болох ахмад настан, хөгжлийн бэрхшээлтэй иргэд, хүүхэд, нийгмийн халамжийн дэмжлэг туслалцаа зайлшгүй шаардлагатай өрхийн гишүүн иргэдэд санхүүгийн бодит дарамт учруулахгүйгээр эрүүл мэндийн шаардлагатай тусламж, үйлчилгээнд хамрагдах боломжийг бүрдүүлсэн байна.
Эх сурвалж: ЭМДЕГ
