ХУУЧИРСАН МЭДЭЭ: 2021/05/11-НД НИЙТЛЭГДСЭН
Улаанбаатарын шарилжийг цэвэрлэх ажил есдүгээр сар хүртэл үргэлжилнэ
iKon.MN
Гэрэл зургийг mpa.mn
Улаанбаатар хотын Ерөнхий менежер “Харшлын эсрэг хамтдаа” уриатай “Шарилжгүй Улаанбаатар аян-6” аяныг зохион байгуулах ажлын удирдамжийг батлан, хоёр үе шаттайгаар зохион байгуулахаар болжээ.
Тодруулбал, I үе шат зургаадугаар сарын 10-25-ны, II үе шат наймдугаар сарын 5-20-ны өдрүүдэд үргэлжлүүлнэ.
Улаанбаатар хотын хэмжээнд нийт 38,838 улиас байдгаас 46.9 хувь буюу 18,232 нь эм улиас. 2021 оны хаврын хэлбэржүүлэлтийн ажлын хүрээнд 235 байршилд 23,124 навчит мод, 4,683 метр урт ургамлан хашлагыг хэлбэржүүлжээ. Ингэснээр эм улиаснаас гарах үр хөврөлийн/модны цагаан хөвөн/ хэмжээ 50 хувь хүртэл буурна.
Энэ жил нийтийн эзэмшлийн 2,000 улиасанд олон улсын туршлагаар генийн түвшинд нь үр хөврөлийг багасгах дэвшилтэт аргыг ашиглан, эм улиасыг тарихаар төлөвлөж, гүйцэтгэгчийг сонгон шалгаруулах юм байна.
