2021/09/23
Америк доллар
МОНГОЛ БАНК:
2,848.51₮
B30
УЛААНБААТАР
15°
|
B30
УЛААНБААТАР
20°
|
B30
УЛААНБААТАР
17°
|
11°
18:00
S32
11°
19:00
S31
20:00
S31
21:00
S31
22:00
S31
23:00
S31
00:00
S31
01:00
S31
02:00
S31
03:00
S31
04:00
S31
05:00
S29
Энэ мэдээ хуучирсан буюу 2021/05/09 -нд нийтлэгдсэн мэдээ болно.

С.Энхболд: Сүүлийн гурван сарын хугацаанд COVID-19-ийн өвчтөнийг эмчлэхэд зориулж улсын хэмжээнд 7,538 ор бэлдсэн

Д.Тэмүүлэн, ikon.mn
2021 оны 5 сарын 9
iKon.MN
Зураг
Гэрэл зургийг mpa.mn

Эрүүл мэндийн яамны өнөөдрийн хэвлэлийн хуралд Эрүүл мэндийн сайд С.Энхболд оролцож, мэдээлэл өглөө.

Тэрбээр “Манай улсын коронавирусийн халдвараар өвчилсөн иргэдийг насны бүлгээр нь харахад 20-49 насны иргэд илүү их өвчилжээ. Харин хүйсийн хувьд адил түвшинд байгаа юм.

50-аас дээш насны иргэд халдвар авсан тохиолдолд хүндрэх эрсдэлтэй бүлэг. Гэхдээ сүүлийн үед халдварын тохиолдол нэмэгдэх хэрээр 20-оос дээш насны залуус ч хүндрэх магадлал ажиглагдаж байгаа.

Хөл хорио тогтоохоос өмнө өвчлөлийн тархалт буюу R утга 1.4 хувь байсан бол сүүлийн 14 хоногт тогтмол буурсаар 0.84 хувьтай болсон байгаа юм.

Хэрвээ хөл хорио тогтоогоогүй байсан бол өдийд өдөрт 3,000-аас дээш тохиолдол бүртгэгдэх байсан гэх таамаглал бий. Харин хөл хорионы үр дүнд өдөрт 800 гаруй тохиолдол бүртгэгдэж байна.

Цаашид бид вакцинжуулалтыг илүү эрчимжүүлж нийт хүн амаа дархлаажуулбал халдвар тогтмол буурах хандлагатай байна" хэмээн ярив.

"19,000 гаруй эмч, эмнэлгийн ажилтан коронавирусийн эсрэг ажилд дайчлагдаж байна"

Үргэлжлүүлэн "Энэ онд Засгийн газрын нөөц сангаас эмч эмнэлгийн ажилчдын илүү цагийн хөлс, цалин урамшуулал, хамгаалах хувцас хэрэгсэл, ариутгалын бодис, тоног төхөөрөмжид зориулж нийт 19.1 тэрбум төгрөг гаргаад байгаа.

Түүнээс гадна, Монгол Улсад COVID-19 халдвараас урьдчилан сэргийлэх, бэлэн байдлыг хангах төслийн хүрээнд 16 аймагт хүчил төрөгчийн бэсрэг үйлдвэр байгуулах санхүүжилт шийдэгдсэн бөгөөд энэ сараас эхлэн ашиглалтад оруулахаар бэлтгэл ажлыг хийж байна.

Өнгөрсөн гурван сарын хугацаанд бид нийслэлд 4,468, орон нутагт 3,070 гээд нийт 7,538 орыг коронавирусээр өвчилсөн иргэдийн эмчлэхэд зориулж бэлдсэн.

Өнөөдрийн байдлаар 19,000 гаруй эмч эмнэлгийн ажилтан коронавирусийн эсрэг ажилд дайчлагдан ажиллаж байна" хэмээн ярив.

ВИДЕО:

https://www.facebook.com/iKonNews/videos/1884302005065760

 

x