ХУУЧИРСАН МЭДЭЭ: 2021/05/08-НД НИЙТЛЭГДСЭН
Монгол цэргүүд тавдугаар сарын 9-нд Улаан-Үдэд парад алхана
iKon.MN
Эх сурвалж: ЗХЖШ
Аугаа их Эх орны дайны ялалтын 76 жилийн ой тохиох гэж байна.
Түүхт ойг тохиолдуулан Монгол Улсын Зэвсэгт хүчний Жанжин, ОХУ-ын Дорнод цэргийн тойргийн хамтын ажиллагааны хүрээнд Монгол Улсын Зэвсэгт хүчний бүрэлдэхүүн ОХУ-ын Бүгд Найрамдах Буриад улсын нийслэл Улаан-Үд хотод зохион байгуулагдах цэргийн ёслолын жагсаалд оролцохоор ОХУ-ыг зорьсон юм.
Тодруулбал, Зэвсэгт хүчний Тусгай хүчний цэргийн штабын дарга, бригадын генерал Л.Гансэлэмээр ахлуулсан Монгол Улсын Зэвсэгт хүчний цэргийн 75 алба хаагч өчигдрөөс Улаан-Үд хотод нэгдсэн бэлтгэлдээ ороод байна.
Цэргийн ёслолын жагсаал 5 дугаар сарын 9-ний өдөр явагдана.
Монгол Улсын Зэвсэгт хүчний хувьд 2015, 2020 онуудад буюу Аугаа их Эх орны дайны ялалтын 70, 75 жилийн ойн цэргийн ёслолын жагсаалд оролцож, ОХУ-ын Москва хотын төв талбайд монгол цэргийн сүр хүч, цог золбоог олон улсад сурталчлан таниулж байсан юм.
Эх сурвалж: ЗХЖШ
