"SARS-CoV-2 вирусийн 20,000 гаруй мутаци бүртгэгдсэн ч маш цөөхөн тохиолдол нь өвчлөлийг хүндрүүлж байна"
ЭМЯ-ны ээлжит хэвлэлийн хуралд АШУҮИС-ийн дэд захирал, Дархлаа судлалын нийгэмлэгийн тэргүүн Г.Батбаатар оролцож, вирусийн мутацийн талаар мэдээлэл өглөө.
Тэрбээр "Мутаци гэдэг бол вирусийн бүтцийг хувиргадаг хэвийн үзэгдэл. Бүх вирус мутацид ордог. Мутацид орсноор магадгүй
- халдварлах чадварыг нэмэгдүүлэх,
- илүү хүнд хэлбэрийн өвчлөл үүсгэх,
- оношилгооны сорилд илрэхгүй болох,
- эмийн үйлдэлд тэсвэртэй болгох,
- мөн өвчилсний дараа эсвэл вакцины дараа үүссэн дархлаанаас зайлсхийх чадвартай болгож болно.
Өөрөөр хэлбэл, дархлааны эсүүдийн довтолгооноос вирус бүтцээ өөрчлөх замаар зайлсхийх чадвартай.
Коронавируст халдварыг үүсгэж байгаа SARS-CoV-2 вирусийн хувьд мутаци үүсгэж хувирах чадвар нь дунд зэрэг буюу өндөр биш. Жишээлбэл, хүний дархлал хомсдлын вирус маш хурдан мутаци үүсгэж, дархлааны эсүүдийн довтолгооноос зайлсхийж чаддаг.
Аз болоход SARS-CoV-2 вирусийн мутацид орох чадвар дунд зэрэг байгаа. Өнөөдрийн байдлаар энэ вирусийн 20,000 гаруй мутаци бүртгэгдсэн ч маш цөөхөн тохиолдол нь өвчлөлийг хүндрүүлж байна. Магадгүй зарим мутаци нь хүний эсэд нэвтэрч орох боломжгүй ч болгож байж мэднэ. Мутаци болгон аюултай гэсэн үг биш.
Халдвар чадвар нэмэгдсэн мутациудыг харвал,
Энэ гурван төрөл л судлаачдын анхаарлыг татаж байна" гэдгийг хэллээ.
ВИДЕО:
