УОК өчигдөр орой цахимаар хуралдаж зарим асуудлыг хэлэлцсэн тухай мэдээлсэн.
Тодруулбал агаарын хилийг тавдугаар сарын 10-наас нээж, ачаа болон зорчигч тээврийг хэвийн горимд шилжүүлэхээр санал нэгдсэн байна. Уг нь Засгийн газраас агаарын хилийг тавдугаар сарын 1-нд нээнэ гэж байсан боловч коронавирусийн халдварын нөхцөл байдлаас шалтгаалан хойшлогдож байгаа бололтой.
ИНЕГ-аас агаарын хилийг нээх бэлтгэлээ хангаснаа мэдэгдээд байгаа юм.
Мөн коронавирусийн эсрэг вакцины 2 дахь тунг хийлгээд 14 хоносон болон халдвараар өвдөөд эдгэрсэн иргэдийг тавдугаар сарын 5-наас хот хоорондын зорчих хөдөлгөөнд оролцуулах журмыг Засгийн газар эцэслэн шийдвэрлэх тухай эх сурвалж мэдээлэв.
Халдвараар өвдөөд эдгэрснийг батлах гэрчилгээг гэрэгэ системээс авдаг болгох гэж байна.