Улаанбаатарын иргэдэд коронавирусийн эсрэг вакцинжуулалт хийх ажил үргэлжилж байна.
Дархлаажуулалтын цэгүүд нийслэлийн есөн дүүрэгт 09:00-20:00 цаг хүртэл ажиллаж байгаа юм.
Вакцины хоёр дахь тунгаа хийлгэсний дараа таны мэдээлэл e-mongolia.mn цахим хуудаст орох ёстой.
Хэрэв дээрх цахим хуудаст бүртгэгдээгүй, вакцины нэр зөрүүтэй шивэгдсэн бол маргааш өглөөнөөс эхлээд 119 дугаарт холбогдоод мэдээллээ засуулах боломжтой болсныг УОК-ын гишүүн санууллаа.
Уг цахим хуудсаас коронавирусийн эсрэг урьдчилан сэргийлэх тарилгад хамрагдсаныг илтгэх гэрчилгээг авах боломжтой болоод байгаа билээ.