2021/05/15
Америк доллар
МОНГОЛ БАНК:
2,849.77₮
B30
УЛААНБААТАР
17°
|
-2°
B30
УЛААНБААТАР
20°
|
B30
УЛААНБААТАР
23°
|
23:00
S29
00:00
S29
01:00
S31
02:00
S31
03:00
S31
04:00
S31
05:00
S31
06:00
S32
07:00
S32
08:00
S32
09:00
S32
10°
10:00
S32
12°

Шилэн дансны хуулийн хэрэгжилтэд хяналт тавих төлөөлөгч М.Тулгатаар ахлуулсан ажлын хэсэг байгуулахаар болов

ikon.mn
2021 оны 4 сарын 28
iKon.MN
Зураг
Гэрэл зургийг MPA.mn

Нийслэлийн ИТХ-ын Эдийн засаг, төсвийн хороо өргөтгөсөн хурлаа хийж, “Нийслэлийн орон сууцны корпораци” ХК-ийг өөрчлөн байгуулах, “Шилэн дансны хуулийн хэрэгжилтэд хяналт тавих Ажлын хэсэг байгуулах” тухай асуудлыг хэлэлцлээ.

“Нийслэлийн Орон сууцны корпорац” ХК-ийг 2015 онд Нийслэлийн ИТХ-ын Тэргүүлэгчдийн 136 дугаар тогтоолоор иргэдийг орон сууцжуулах бие даасан бодлогыг хэрэгжүүлэх, орон сууцжуулах талаар баримталж байгаа бодлого, стратеги, төлөвлөлтийг хэрэгжүүлэх, Улаанбаатар хотын газрын нөөцийг үр ашигтай төлөвлөн эргэлтэд оруулах замаар хотын суурьшлын бүсийг хөгжүүлэх, бага, дунд орлоготой иргэдийг хямд орон сууцаар хангах, түрээслүүлэх, орон сууцны нөхцөлийг сайжруулах үйл ажиллагааг зохион байгуулах зорилгоор байгуулсан байдаг.

Үүний үр дүнд 1,744 айлын түрээсийн орон сууцны санг бүрдүүлээд байна. Дээрх орон сууцнуудад өнөөдрийн байдлаар 7,500 иргэн амьдарч буй юм.

Мөн “Нийслэлийн орон сууцны корпорац” ХК нь гэр хорооллын дахин төлөвлөлтийн улмаас хохирсон 307 өрхийг өөрийн харьяанд байдаг түр суурьшуулах орон сууцнуудад 2016 оноос эхлэн өнөөг хүртэл суурьшуулж байна.

Өнгөрсөн хоёрдугаар сард Засгийн газар “Төрийн орон сууцны корпорац” ТӨХК болон “Нийслэлийн орон сууцны корпорац” ХК-ийг нийлүүлж, өөрчлөн зохион байгуулах замаар төрийн өмч давамгайлсан “Үндэсний орон сууцны нэгдэл корпораци” болгохоор хэлэлцсэн. Уг асуудлыг маргааш /2021.04.29-ний өдөр/ болох Нийслэлийн ИТХ-ын ээлжит VI хуралдаанаар хэлэлцэх товтой. Тиймээс Эдийн засаг, төсвийн хороо өргөтгөсөн хуралдаанаараа уг асуудлыг хэлэлцэн, ээлжит хуралдаанаар хэлэлцүүлэхийг дэмжлээ.

Ташрамд, тус хоёр байгууллагыг компанийн тухай хуулиар нэгтгэнэ гэдгийг Нийслэлийн Засаг даргын Хот байгуулалтын асуудал хариуцсан төслүүдийн удирдагч Б.Сүхбаатар хэлсэн.

Нийслэлийн Эдийн засаг, төсвийн хорооны өргөтгөсөн хурлаар орон нутгийн төсөв, орон нутгийн өмчийн хөрөнгийг үр ашигтай захиран зарцуулах зорилгоор төсвийн удирдлагыг хэрэгжүүлэх шийдвэр, үйл ажиллагаа ил тод, нээлттэй, ойлгомжтой байх, түүнд олон нийт хяналт тавих мэдээллийн тогтолцоог бүрдүүлэх үүднээс Шилэн дансны тухай хуулийн хэрэгжилтэд хөндлөнгийн хяналт хэрэгжүүлэх “Ажлын хэсэг” байгуулах тухай хэлэлцэж, Нийслэлийн ИТХ-ын даргад өргөн барилаа. Тус Ажлын хэсгийг Нийслэлийн ИТХ-ын төлөөлөгч, Эдийн засаг, төсвийн хорооны дэд дарга М.Тулгат ахална.
 

 

Эх сурвалж: Нийслэлийн ИТХ-ын ХМОНХТ

x