2021/09/18
Америк доллар
МОНГОЛ БАНК:
2,848.62₮
B30
УЛААНБААТАР
21°
|
B30
УЛААНБААТАР
16°
|
11°
B30
УЛААНБААТАР
19°
|
22:00
S31
10°
23:00
S31
00:00
S31
01:00
S31
02:00
S31
03:00
S29
04:00
S29
05:00
S29
06:00
S29
07:00
S30
08:00
S30
09:00
S30
10°
Энэ мэдээ хуучирсан буюу 2021/04/22 -нд нийтлэгдсэн мэдээ болно.

БНХАУ-аас Монгол Улсад суугаа Элчин сайд Цай Вэньруй: "Хүн төрөлхтний ядуурлыг бууруулах талаарх Хятад улсын туршлага" цагаан ном гарлаа

A.Жаргал
2021 оны 4 сарын 22
iKon.MN
Зураг
Гэрэл зургийг Mpa.mn

БНХАУ-ын ядуурлыг бууруулах ажлын практик, туршлага хийгээд дэлхий нийтэд оруулсан хувь нэмэр

《Хүн төрөлхтний ядуурлыг бууруулах талаарх Хятад улсын туршлага》цагаан ном гарлаа

 

4-р сарын 6-ны өдөр, БНХАУ-ын Төрийн зөвлөлийн Хэвлэл мэдээллийн албанаас 《Хүн төрөлхтний ядуурлыг бууруулах талаарх Хятад улсын туршлага》цагаан номыг гаргасан. Энэхүү цагаан номд Хятадын Коммунист нам (ХКН) ядууралтай тэмцэх ажилд ард түмнээ нэгтгэн замчилж, нам, улс орон, нийгмийн бүх хүчийг нэгтгэн, ядуурлаас ангижруулах тэмцэлд ялалт байгуулсан агуу замналыг өгүүлж, Хятадын ядуурлыг бууруулах ажлын амжилт, дэлхий нийтэд оруулсан хувь нэмрийг бүрэн дүүрэн тусгасан.

Энэхүү цагаан номд ХКН-ын ард түмнээ удирдан, ядуурлыг ялан дийлсэн агуу түүхийг эргэн харжээ. ХКН байгуулагдсанаас хойших 100 жилийн хугацаанд анхны үүрэг зорилгоо ямагт мөрдөж, ард түмнийхээ өмнө хүлээсэн хариуцлагаа хүлээж, ард түмэндээ амласан амлалтаа биелүүлж, үндэстний тусгаар тогтнол, ард түмнийг чөлөөлөх, улс орны цэцэглэлт хөгжил, чинээлэг ард түмний төлөө тэмцсээр ирсэн. ХКН-ын удирдлагаар Хятадын ард түмэн хөгжил дэвшлийн төлөө цуцалтгүй мэрийж, шаргуу тэмцэж, чинээлэг, хамтын хөгжил цэцэглэлтийн замаар алхаж байна. Ялангуяа, Ши Жиньпин даргаар төвлөсөн намын төв удирдлага дор Хятад улс хүн төрөлхтний түүхэн дэх хамгийн том цар хүрээтэй, хамгийн өргөн далайцтай, хамгийн олон хүн амыг хамарсан ядуурлаас ангижруулах тэмцэлд ялалт байгуулж, босож зогсон баян чинээлэг болох явцаас хүчирхэг болох агуу үсрэлтийг тосон авч байна. 

Цагаан номд Хятадын ядуурлаас ангижруулах ажлын бүх талын ялалтын түүхэн амжилтыг харуулжээ. 2021 оны 2 сарын 25-ны өдөр, ХКН-ын Төв хорооны Ерөнхий нарийн бичгийн дарга Ши Жиньпин үндэсний ядуурлаас ангижруулах ажлын дүгнэлтийн хурал дээр ядуурлаас ангижруулах ажил бүх талаар ялалт байгуулсныг сүр жавхлантайгаар зарласан. Одоогийн стандартаар 98.99 сая хөдөө тосгоны ядуу хүн ам ядуурлаас бүрэн ангижирч, бүс нутгийн ядуурал шийдвэрлэгдэж, Хятад улс үнэмлэхүй ядуурлыг арилгах хүнд хэцүү үүргийг гүйцэлдүүлж чадлаа. Найман жилийн шаргуу хичээл зүтгэлээр Хятадын ядуу хүн амын амьдралын түвшин мэдэгдэхүйц дээшилж, ядуу бүс нутгийн хоцронгуй байдалд маш том өөрчлөлт гарч, ядуу иргэдийн боловсрол, эмчилгээ, орон сууц, ундны ус зэрэг нөхцөл байдал мэдэгдэхүйц сайжирч, Хятадын жирийн иргэдийн амьдрал улам сайжирсаар байна.   

Цагаан номд Хятад улсын бүтээлчээр дэвшүүлсэн ядуурлыг бууруулах оновчтой төлөвлөгөөг нэгтгэн дүгнэсэн. Хятад улс ядуурлаас ангижруулах ажлын явцад улсынхаа бодит байдалтай нягт уялдуулан, ядуурлыг бууруулах оновчтой төлөвлөгөөг бүтээлч байдлаар дэвшүүлэн хэрэгжүүлснээр туслах объект, төслийн зохицуулалт, санхүүгийн зарцуулалт, айл өрхөд авах арга хэмжээ, хөдөө тосгонд боловсон хүчин томилох, ядуурлаас ангижруулах ажлын үр дүн зэрэг “зургаан зүйлийг оновчтой тооцож төлөвлөснөөр” хэнийг дэмжих, хэн дэмжих, хэрхэн дэмжих зэрэг асуудлыг оновчтой шийдвэрлэж, ядуурлаас ангижруулах ажлын зорилгын биелэлтийг сайжруулж, үр дүнг нь бүх талаар дээшлүүлсэн.   

Цагаан номд хүн төрөлхтний ядуурлыг бууруулах эрэл хайгуулын талаарх Хятадын сэтгэмжийг танилцууллаа. Хятад улсын ядуурлыг бууруулах компанит ажлын явцад хуримтлуулсан үнэт туршлага зөвхөн Хятадынх биш, дэлхийн нийтийн өмч болж үлдэх ёстой бөгөөд үүгээр хүн төрөлхтний ядуурлыг бууруулах шинэ арга замыг гаргалаа. Цагаан ном нь дэлхий нийтэд Хятадын ядуурлыг бууруулсан нууцыг тайлж өгсөн. Тодруулбал 1-рт, ард түмэн төвтэй байхыг баримталж ядуурлыг бууруулах ажлыг улсын ажлын онцгой байр сууринд тавих. 2-рт, хөгжлөөр ядуурлыг арилгаж ядуурлыг бууруулах үйл явцыг бодит байдалд нийцүүлэн хэрэгжүүлэх. 3-рт, ядуу бүлгийн голлох үүргийг нэмэгдүүлж, тал бүрийн хүчийг нэгтгэн төвлөрүүлэх явдал юм. Хятад улсын үнэмлэхүй ядуурлыг арилгасан амжилттай туршлага нь хүн төрөлхтний ядуурлыг бууруулах зүй тогтлын талаарх ойлголтыг гүнзгийрүүлэхийн зэрэгцээ ядуурлын эсрэг онолыг хөгжүүлж, баяжууллаа.

Цагаан номд дэлхий дахины ядуурлыг бууруулах үйлсэд Хятад улсын оруулсан хувь нэмрийг танилцууллаа. Хятад улсын ядуурлаас ангижруулах ажил бүрэн ялалт байгуулсан нь дэлхий дахины ядуурлыг бууруулахад чухал ахиц болсон. Өөрчлөлт, шинэчлэл, нээлттэй бодлогыг хэрэгжүүлж ирснээс хойш Дэлхийн банкны стандартын дагуу Хятадын ядуурлыг бууруулсан хүн ам мөн үеийн дэлхийн ядуурлыг бууруулсан нийт хүн амын 70-аас илүү хувийг эзэлж, НҮБ-ын “Тогтвортой хөгжил-2030 хөтөлбөр”-ийн ядуурлыг бууруулах зорилтыг 10 жилийн өмнө биелүүллээ. Хятад улс хүн төрөлхтний хувь заяаны нэгдэл үзэл санааг идэвхийлэн хэрэгжүүлж, ядуурлыг бууруулах олон улсын хамтын ажиллагааг эрчимтэй хөгжүүлж, ядуурлыг бууруулах олон улсад хүлээсэн үүргээ биелүүлж, дэлхий дахины ядуурлыг бууруулах үйлсэд чухал болоод том хувь нэмэр оруулж байна. Хятадын улсын дэвшүүлсэн “Нэг бүс, нэг зам” санаачилгаар жишээлбэл, Дэлхийн банкнаас гаргасан судалгааны тайланд, “Нэг бүс, нэг зам”-ыг хамтран бүтээснээр холбогдох улс орнуудад нийт 7.6 сая хүн туйлын ядуурлаас, 32 сая хүн дунд түвшний ядуурлаас тус тус ангижирсан байна.

Хятад, Монгол хоёр улс нь сайн хөрш, сайн найз, сайн түншүүд билээ. Айл хүний амь нэг, саахалт айлын санаа нэг. Хятад улс “элэгсэг дотно, үнэнч шударга, үр ашигтай, хүртээмжтэй” үзэл санаагаа ямагт баримталж, Монгол Улсын хөгжлийг дэмжин туслаж ирсэн. Талууд хоёр улсын төрийн тэргүүн нарын хүрсэн тохиролцоог нааштай хэрэгжүүлж, “Нэг бүс, нэг зам” санаачилга болон Монголын хөгжлийн стратегийн уялдааг эрчимжүүлснээр ажил хэрэгч хамтын ажиллагаа арвин үр дүнд хүрч, хоёр улсын ард түмэнд бодит үр өгөөжийг хүртээсээр байна. Цар тахлын үед Хятад, Монгол хоёр улс бэрхшээлийг хамтран давж байна. Дэлхий нийт Covid-19-ын вакцины эрэлт, нийлүүлэлтийн дутагдалтай үед Хятад улс хүндрэл бэрхшээлийг даван туулж Монгол Улсад түрүүлж вакцин хандивлаж мөн экспортоор нийлүүлсэн. Энэ бол Хятадын тал Хятад, Монголын харилцааны хөгжилд ач холбогдол өгдөг, хоёр улсын ард түмэн бат бэх найрамдалтай гэдгийн илрэл юм.

Хятадын хөгжил дэлхий нийттэй салшгүй холбоотой, дэлхий нийтийн хөгжил ч мөн Хятадтай салшгүй холбоотой. Энэ жил бол Хятадын улсын 14-р таван жилийн төлөвлөгөө хэрэгжиж эхлэх жил. Хятадын хөгжил илүү гэрэлт ирээдүйтэй байх болно. Хятад улс ямагт дэлхийн энх тайвныг цогцлоогч, дэлхийн дахины хөгжилд хувь нэмэр оруулагч, олон улсын хэв журмыг хамгаалагч байх болно. Цэцэглэн хөгжих буй Хятад улс ч дэлхийн энх тайван, хөгжилд илүү их хувь нэмэр оруулах болно. Бид илүү сайхан амьдралын төлөө Монгол Улс болон бусад бүх улс орны ард түмэнтэй хамтарч шаргуу хичээхэд бэлэн байна.  

 

Эх сурвалж: БНХАУ-аас Монгол Улсад суугаа Элчин сайд Цай Вэньруй

x