2021/07/25
Америк доллар
МОНГОЛ БАНК:
2,849.14₮
B30
УЛААНБААТАР
25°
|
15°
B30
УЛААНБААТАР
22°
|
14°
B30
УЛААНБААТАР
23°
|
13°
16:00
S26
21°
17:00
S26
20°
18:00
S26
20°
19:00
S26
20°
20:00
S26
19°
21:00
S26
18°
22:00
S26
17°
23:00
S26
16°
00:00
S26
16°
01:00
S26
16°
02:00
S26
15°
03:00
S26
15°
Энэ мэдээ хуучирсан буюу 2021/04/08 -нд нийтлэгдсэн мэдээ болно.

Б.Буянтогтох: Хөнгөн хэлбэрээр өвчлөөд гэртээ тусгаарлагдаж эхэлснээс хойш 14 хоноход бүрэн эдгэрсэнд тооцно

Г.Номин, iKon.mn
2021 оны 4 сарын 8
iKon.MN
Зураг
Гэрэл зургийг MPA.mn

ЭМЯ-ны ээлжит хэвлэлийн хуралд тус яамны Эмнэлгийн тусламжийн бодлогын хэрэгжилтийг зохицуулах газрын дарга Б.Буянтогтох оролцож, сэтгүүлчдийн асуултад хариуллаа.

- Өчигдөр коронавируст халдварын улмаас дөрвөн иргэн нас барсан талаар мэдээг дуулгасан. Тэдгээр иргэдийн зарим нь эмнэлэгт хэвтэж чадалгүй буюу гэртээ нас барсан гэх мэдээлэл байна. Энэ талаар тодорхой хариулт өгөхгүй юу, халдварын нөхцөл байдалтай холбоотойгоор эмнэлгийн тусламж авч чадалгүй гэртээ нас барах эрсдэл бий юу?

- Ер нь бол гэртээ нас барах эрсдэл байгаа. КОВИД-19-ийн халдварын улмаас хүндрэхэд бидэнд арга хэмжээ авах боломж олгож байна. Гэтэл эрсдэлт бүлгийнхэн буюу 60-аас дээш насныхан, архаг хууч өвчтэй, сүрьеэтэй, уушгины архаг өвчтэй, багтраа болон артерын даралт ихсэх өвчтэй хүмүүс халдвар авснаа мэдэхгүй байж байгаад биеийн байдал нь хүндрээд нас барах эрсдэл бий. Архаг суурь өвчтэй хүн халдвар авснаа мэдэхгүй байж байгаад гэрийн орчинд нас барах эрсдэл өндөр. 

- КОВИД-19-ийн халдварын үед ашиглах хэчнээн ор бэлтгэсэн бэ?

- Урт хугацааны төлөвлөлтийг аль хэдийн хийсэн байсан. Үүн дээрээ нөхцөл байдалтай уялдуулаад цаг тухай бүрд нь төлөвлөлт хийгээд явж байгаа. Өнөөдөр орны асуудал гэхээсээ илүү маш хүнд, хүнд, хүндэвтэр хүмүүсийн тусламж үйлчилгээг үзүүлэх хүний нөөц, тоног төхөөрөмж маш чухал зүйл болоод байна. 

- Өнөөдрийн байдлаар хэчнээн хүн гэрээр эмчлүүлж байна вэ?

- Өнөөдрийн байдлаар 2,000 орчим хүн гэрээр эмчлүүлж байгаа. Хөнгөн хүмүүст өвөрмөц эмчилгээ байхгүй учраас гэрээр эмчлүүлэх боломжтой би өмнө нь хэлж байсан. Тухайн иргэд гэрээсээ гарч, эм тариа авах боломжгүй учраас УОК, ЭМЯ-наас тодорхой хэмжээний эмчилгээний багц гаргаад өгч байгаа. Витамин С, Д, цайрын бэлдмэл хэрэглэх нь хүндрэлээс сэргийлэхээс гадна гэр бүлийн бусад гишүүд мөн хэрэглэвэл халдвар авахаас сэргийлж байна гэдгийг судалгааны үр дүнгээс харж болно.

Гэрээр эмчлүүлж байгаа хүмүүст өрхийн эмнэлгүүд тогтмол хяналт тавьж байгаа бөгөөд гэрээр эмчилгээгээ эхлүүлсэн хүмүүсийн 8.7 хувь нь эмчилгээний явцдаа эмнэлэгт хэвтсэн. Тэдгээрийн дийлэнх нь өөрийн хүсэлтээр эмнэлэгт хэвтсэн бөгөөд цөөн тохиолдолд хүндрэх шинж тэмдэг илэрсний дараа эмнэлэг рүү шилжүүлсэн. 

- Гэрээр эмчлүүлж байгаа иргэдийг хэзээ эдгэрсэн гэж үзэх вэ?

- Хөнгөн хэлбэрээр өвчилсөн тохиолдолд гэртээ тусгаарлагдаж эхэлснээс хойш 14 хоноод бүрэн эдгэрсэнд тооцогдоод явна. ДЭМБ 10 хоногоос цаашаа халдвар тараах эрсдэл эрс бага гэж үзэж байгаа. Хүний биеэс тодорхой хэмжээнд вирус ялгарах боловч бусдад халдвар тараах хэмжээтэй биш хэмээн мэдээлж байна. 

Гэрээр эмчилгээ хийлгэх үед гэр бүлд хэдэн хүн байсан, хамт байсан хүмүүс халдварт өртсөн эсэхээс хамаараад гэрийн тусгаарлалтыг цуцлах эсэх асуудлыг өрхийн эмнэлгээр дамжуулаад шийдвэрийг танилцуулна. 

ВИДЕО ҮЗЭХ: /2021.04.08/ (Бичлэг харагдахгүй бол ЭНДЭЭС үзэх боломжтой)

https://www.facebook.com/iKonNews/videos/167171828591971

 

x