• 7 сарын 2, Бямба
Уншиж байна ...
ХУУЧИРСАН МЭДЭЭ: 2021/04/06-НД НИЙТЛЭГДСЭН

Дубайд нүцгэн зургаа авхуулсан модель бүсгүйчүүд зургаан сар шоронд хоригдоно

Т.Давааням, ikon.mn
2021 оны 4 сарын 6
iKon.MN
Зураг зураг

Ням гарагийн орой Арабын Нэгдсэн Эмират Улсын Дубай хотын нэгэн өндөр барилгын тагтан дээр 20 гаруй нүцгэн эмэгтэй зураг авхуулж байгааг харуулсан видео бичлэг сошиал сүлжээнд тарсан юм.

Мэдээлэл тарсны дараа Дубай хотын цагдаагийн газар модель эмэгтэйчүүд болон зураг авах ажлыг зохион байгуулсан хүмүүс болох нийт 40 орчим хүнийг баривчилсан байна.

Орон нутгийн хэвлэлд мэдээлснээр модель бүсгүйчүүд бүгд хуучин Зөвлөлтийн бүрэлдэхүүнд байсан Орос, Молдов, Украин, Беларусь зэрэг улсын харьяат иргэд байсан гэнэ.

Арабын Нэгдсэн Эмират Улсад исламын шашны шариатын хууль үйлчилдэг тул дээрх ажиллагаанд оролцсон хүмүүс садар самуун үйлдэлд буруутгагдаж, зургаан сар шоронд хоригдох, эсвэл 5,000 дирхамын ($1,300 орчим) торгууль хүлээх нь тодорхой болсныг эх сурвалжууд мэдээлжээ.

Баривчлагдсан модель бүсгүйчүүдийн дотор өөрийнх нь иргэн байгаагүйг Дубай дахь ОХУ-ын консулын газар Даваа гарагт мэдэгдсэн байна. Харин үйл явдлын дүрс бичлэгийг зэргэлдээ барилгын цонхоор авч сошиалд тараасан ОХУ-ын нэг иргэн баривчлагдсан болохыг баталжээ. 

 

Эх сурвалж: ТАСС, Russia Today