2021/06/18
Америк доллар
МОНГОЛ БАНК:
2,849.41₮
B30
УЛААНБААТАР
22°
|
B30
УЛААНБААТАР
24°
|
10°
B30
УЛААНБААТАР
26°
|
13°
01:00
S31
02:00
S31
03:00
S31
04:00
S31
05:00
S30
06:00
S30
07:00
S30
08:00
S32
11°
09:00
S30
13°
10:00
S30
15°
11:00
S30
17°
12:00
S30
18°
Энэ мэдээ хуучирсан буюу 2021/03/31 -нд нийтлэгдсэн мэдээ болно.

Герман улс 60 хүртэл насныханд AstraZeneca вакцин тарихыг хязгаарлав

Э.Сэмүүн, ikon.mn
2021 оны 3 сарын 31
iKon.MN
Зураг

Өчигдөр Герман улсын эрүүл мэндийн сайд Йенс Шпан тус улсын 16 мужийн эрүүл мэндийн байгууллагын удирдлагуудтай шуурхай хуралдсаны дараа 60-аас доош насныханд AstraZeneca вакцин тарихыг хязгаарлах шийдвэр гаргажээ.

Уг вакциныг 2.7 сая орчим хүнд тарихад цусны бүлэгнэлийн 31 тохиолдол бүртгэгдсэн нь ийм шийдвэр гаргахад хүргэсэн байна. Бараг бүх тохиолдол нь дундаас доош насны эмэгтэйчүүдээс илэрсэн аж.

Германы засгийн газрын шийдвэрээс өмнө Канад улс мөн 55 хүртэл насныханд AstraZeneca вакцин тарихыг түдгэлзүүлсэн юм. 300,000 иргэнээ уг вакцинаар дархлаажуулаад байгаа Канад улсад цусны бүлэгнэлийн тохиолдол илрээгүй ч Европт гарсан тохиолдлуудын улмаас түдгэлзүүлжээ.

Германы 60 хүртэл насны иргэд AstraZeneca вакциныг тариулах боломж нээлттэй ч өмнө нь эмчтэй зөвлөлдөж, эрсдлийг сайтар үнэлсний дараа шийдвэр гаргахаар болсон байна.

Канцлерь Ангела Меркель дархлаажуулалтын хөтөлбөрт нь ашиглагдаж байгаа вакцин бүрийг сайн шалгаж, эргэлзээг арилгах ёстойг өчигдөр хэлсэн үгэндээ онцолсон юм. 66 настай Меркель өөрийнх нь ээлж ирэхэд AstraZeneca вакциныг тариулахад бэлэн байгаагаа энэ үеэр илэрхийлжээ.

Энэ сарын эхээр Европын олон орон цусны бүлэгнэл үүсгэдэг шалтгаанаар AstraZeneca вакциныг хүн амынхаа дархлаажуулалтад ашиглахыг түдгэлзүүлж байв.

Европын Холбооны эрүүл мэндийн зохицуулах байгууллага EMA (European Medicine Agency) вакцины эрсдлийг харьцангуй бага гэж дүгнэсний дараа ихэнх орнууд дахин ашиглаж эхэлсэн юм.

Франц улс AstraZeneca вакциныг 55-аас дээш насныханд тарихыг мөн хязгаарлаад байгаа.

Өчигдөр Италийн ерөнхий сайд Марио Драги ард иргэдийнхээ итгэлийг нэмэгдүүлэхийн тулд гэргийн хамт AstraZeneca вакцины эхний тунг хэвлэл мэдээллийн хэрэгслийн өмнө тариулсан байна. Тэд хоёул 73 настай юм.

 

Эх сурвалж: BBC

 

x