Л.Энхсайхан: Өмнөговь аймгийн дөрвөн суманд 414 хүн вакцины эхний тунг хийлгээд байна
ЭМЯ-ны газрын дарга Л.Энхсайхан дархлаажуулалтын ажлын явцын талаар мэдээлэл өглөө.
Тэрбээр "Нийслэлийн хэмжээнд 171,535 хүнийг коронавирусийн эсрэг дархлаажуулалтад хамруулаад байна. Вакцин хийлгэсэн хүмүүсийг аль салбарт ажиллаж байгаагаар нь ангилж харвал,
- Худалдааны байгууллагын 31,513
- ЕБС, цэцэрлэгийн багш, ажилтан 25,731
- Төрийн өмчийн эрүүл мэндийн байгууллагын 22,774
- Хувийн хэвшлийн эрүүл мэндийн байгууллагын ажилтан 11,403 гэх мэтээр дархлаажуулалтад хамрагдаад байна.
Уул уурхай хүнд үйлдвэрийн салбарт ажиллаж байгаа хүмүүсийг дархлаажуулах ажил эхэлсэн. Өмнөговь аймгийн Ханбогд, Баян-Овоо, Цогтцэций, Манлай суманд дархлаажуулалтын ажлыг эхлүүлж, 414 хүн вакцины эхний тунг хийлгээд байна.
Дэлхий дахинаа хамгийн багадаа нэг улсад хэрэглээнд нэвтэрсэн 13 вакцин байна. Үүнээс есөн вакциныг яаралтай горимоор хэрэглэхээр ДЭМБ-аас бүртгэсэн бол бусад вакциныг бүртгэх үйл явц үргэлжилж байна" гэдгийг хэлэв.
ВИДЕО ҮЗЭХ: /2021.03.19/ (Бичлэг харагдахгүй бол ЭНДЭЭС харах боломжтой)
