Зам тээврийн осол, гэмт хэргээс урьдчилан сэргийлэх дэд зөвлөл хуралдлаа

Зам тээврийн осол, гэмт хэргээс урьдчилан сэргийлэх Дэд зөвлөл 2021 оны 03 дугаар сарын 16-ны өдөр хуралдаж 2021 оны үйл ажиллагааны төлөвлөгөөг баталлаа. Уг төлөвлөгөөнд:

• Авто тээврийн хэрэгслийн хөдөлгөөний аюулгүй байдал ашиглалтын журам зөрчих гэмт хэргийг согтуурсан мансуурсан үедээ үйлдсэн этгээдэд оногдуулсан ял шийтгэлийн бодлогын талаарх судалгаа хийх
• Олон улсын болон улсын чанартай замын дагуу үйл ажиллагаа явуулж байгаа аж ахуйн нэгж байгууллагын ажилтнуудад авто тээврийн осолд өртсөн хүмүүст эмнэлгийн анхан шатны тусламж үзүүлэх талаар сургалт зохион байгуулах
• Замын хөдөлгөөнд соёлтой оролцож, хүүхдийг авто тээврийн хэрэгсэлд зөв тээвэрлэх зориулалтын суудалд суулгаж, хамгаалалтын бүс зүүлгэн аюулгүй байдлыг хангах талаар иргэд олон нийтэд сурталчлан таниулах соён гэгээрүүлэх арга хэмжээг зохион байгуулах зэрэг үйл ажиллагааг тусгалаа