Эмч нарт нэг удаагийн аягаар бага хэмжээтэй хоол өгсөн асуудлаар холбогдох хүмүүст хариуцлага тооцохоор болжээ
ЭМЯ-ны Хэвлэлийн төлөөлөгч Б.Ууганбаяр "Вакцинжуулалтад дайчлагдаж ажиллаж байгаа эмч, эмнэлгийн ажилчдын хоол хүнс болон нэг удаагийн хэрэгслүүд хангалттай байгаа юу?" гэсэн сэтгүүлчдийн асуултад хариулав.
Тэрбээр "Өчигдөр ЭМ-ийн сайд уг асуудалтай холбоотойгоор вакцинжуулалтын цэгээр явж ажилласан. ЭМЯ-наас ч вакцинжуулалтын хяналт, шалгалтын ажлыг хэсэг томилогдон ажиллаж буй.
Эмч нарт өгч буй хоолны асуудал нь БЗД-т байрлаж буй хоёр цэгт хөндөгдсөн. Үүнтэй холбоотойгоор ЭМ-ийн сайд С.Энхболд холбогдох хүмүүст хариуцлага тооцохыг НЭМГ-ын дарга Б.Бямбадоржид даалгасан.
Дээрх асуудал бол цэвэр зохион байгуулалттай холбоотой. Өөрөөр хэлбэл, вакцинжуулалтад дайчлагдан ажиллаж буй эмч нарын хоол хүнсний асуудлыг тухайн дүүргийн Онцгой комисс, ЭМ-ийн төв нь хариуцаж байгаа бөгөөд сайн хэрэгжүүлж буй дүүргүүд олон бий.
"Хан-Уул, Баянзүрх дүүргийн эмч нарын илүү цагийн хөлсийг өнөөдөр олгохыг даалгажээ"
Хувцас, хэрэгслийн тухайд, ДЭМБ-аас гаргасан стандарт норм журмын дагуу вакцинжуулалтад дайчлагдан ажиллаж буй эмч нарыг халдвар хамгааллын хувцсыг ЭМЯ-наас НЭМГ-т олгосон. Ингэхдээ өдөрт хэчнээн хүнд вакцин хийх, өдөрт хэдэн удаа хувцсаа солих зэргийг тооцоолж гаргасан гэдгийг хэлье.
Тиймээс үүнд дүүргийн Эрүүл мэндийн төвүүд хариуцлагатай хандах ёстой" гэв.
ВИДЕО:
