Ж.Байгалмаа: Улаанбаатарт 42, Завханд хоёр халдварын батлагдсан тохиолдол бүртгэгдлээ
Коронавируст халдварыг илрүүлэхээр сүүлийн хоногт улсын хэмжээнд хийсэн шинжилгээний хариуг ХӨСҮТ-өөс танилцууллаа.
ХӨСҮТ-ийн Халдварт өвчний тандалт, судалгааны албаны дарга Ж.Байгалмаа "Сүүлийн хоногт 19,507 хүнд хийсэн коронавирусийн халдвар илрүүлэх шинжилгээний явцад 44 хүнээс халдвар илэрсэн. Ингэснээр нийт халдварын тоо 3,076 болж байна.
Сүүлийн 24 цагт зөөвөрлөгдсөн тохиолдол бүртгэгдээгүй.
Шинээр бүртгэгдсэн 44 тохиолдлын 42 нь Улаанбаатарт, хоёр нь Завхан аймагт бүртгэгдсэн. 44 хүний 42 нь халдварын батлагдсан тохиолдлын ойрын хавьтал байна. Хоёр хүний халдвар авсан эх уурхайг тогтоохоор ажиллаж байна. Өмнөх өдрүүдэд эх уурхай нь тодорхойгүй байсан батлагдсан тохиолдлуудын халдвар авсан эх уурхайг тогтоосон.
Сүүлийн 24 цагт 55 хүн эдгэрч, эмнэлгээс гарсан.
Одоогоор 657 хүн эмчлэгдэж буй бөгөөд биеийн байдал нь маш хүнд 2, хүнд 7 хүн байгаа. Архаг суурь өвчтэй хүмүүсийн өвчин сэдэрч биеийн байдал хүндэрч байна.
Энэ сард болох баяруудыг аль болох олноороо цугларч тэмдэглэхгүй байх, халдвар хамгааллын дэглэмээ чанд сахихыг зөвлөе" хэмээн ярилаа.
ШУУД ҮЗЭХ: /2021.03.04/ (Бичлэг харагдахгүй бол ЭНДЭЭС харах боломжтой)
Дотоодын халдварыг танилцуулбал /2021.03.04/
- Улаанбаатар хотод-2,229 /сүүлийн хоногт 42 тохиолдол нэмэгдэв/
- Завханд-2 /сүүлийн хоногт 2 тохиолдол нэмэгдэв/
- Орхонд-25
- Архангайд-3
- Сэлэнгэд-217
- Дархан-Уулд-45
- Говьсүмбэр-4
- Дорноговь-32 тохиолдол тус тус бүртгэгдээд байна.
