NASA-гийн Ангараг гараг руу илгээсэн Perseverance судалгааны робот станц долоон сарын хугацаанд 470 сая километр урт зам туулсны эцэст газардахад бэлэн болжээ.
Станцыг газардуулах ажиллагаа Улаанбаатарын цагаар маргааш өглөө эрт үүрээр болох юм.
Ангараг гарагт илгээсэн бүх робот станцуудын бараг 50 хувь нь газардах үедээ сүйрсэн байдаг. Тиймээс хамгийн хүнд хэцүү энэ ажиллагааг NASA “аймшигт долоон минут” гэж нэрлэдэг байна.
Өөрөөр хэлбэл дэлхийгээс Ангараг хүртэл аялалын хамгийн хүнд хэцүү хэсэг нь сүүлчийн долоон минутын хугацаанд болдог ажээ.
Хэрвээ Perseverance хөлөг амжилттай газардвал Ангарагийн хөрснөөс амьдралын ул мөрийг олж илрүүлэх томоохон судалгаа эхэлнэ. Уг хөлөг өмнө нь хэзээ ч Ангараг гараг дээр ашиглаж байгаагүй нарийн багаж төхөөрөмжөөр тоноглогдсон байна.
Газардах цэг нь Ангараг гарагийн Езеро хонхор юм. Энэ хонхорт эрт цагт нуур байсан тул ёроолоос нь амьдралын ул мөр олдох хамгийн өндөр магадлалтай.
Perseverance станцын газардах үйл явцыг Улаанбаатарын цагаар харуулбал:
Газардах үйл явцын дараалал дараах үе шаттай явагдана.
Ангараг гарагт робот станц буулгах 14 оролдлогын найм нь амжилттай болж байжээ. Эдгээр наймыг бүгдийг нь Америкчууд гүйцэтгэсэн юм.
Тиймээс энэ удаа Perseverance станцыг амжилттай газардуулж чадна гэдэгтээ NASA итгэлтэй байна.
Эх сурвалж: BBC