Хүүхдийн мөнгөн тэтгэмжийг маргааш буюу хоёрдугаар сарын 10-наас олгоно

Гэрэл зургийг mpa.mn

Нийгмийн халамжийн үйлчилгээний хоёрдугаар сарын олголтууд хэзээ хийгдэх талаар мэдээллийг ХНХ-ын сайд фэйсбүүк хуудастаа оруулжээ. Тодруулбал,

• Нийгмийн халамжийн тэтгэвэр, тэтгэмж, Ахмад настанд олгох хөнгөлөлт, тусламж, хүндэтгэл, Хөгжлийн бэрхшээлтэй иргэнд үзүүлэх хөнгөлөлт, тусламж, Хүнсний эрхийн бичиг олгох үйлчилгээг хоёрдугаар сарын 8-наас олгож эхэлсэн.
• Насны хишиг, Эхийн алдар одонгийн мөнгөн тусламжийг өнөөдөр буюу хоёрдугаар сарын 9-нөөс олгож эхэлсэн.
• Хүүхдийн мөнгөн тэтгэмжийг маргааш буюу хоёрдугаар сарын 10-наас олгоно.
• Эх, олон хүүхэдтэй өрх толгойлсон эх эцэгт олгох тэтгэмжийг /4 үйлчилгээ/ хоёрдугаар сарын 17-ноос олгож эхэлнэ.

Иргэн Та Ковид-19 цар тахлаас урьдчилан сэргийлж Нийгмийн халамжийн үйлчилгээг www.ehalamj.mn халамжийн нэгдсэн системд бүртгүүлсэн данс руугаа цахим банк болон ATM-ээс аваарай.