ХУУЧИРСАН МЭДЭЭ: 2021/02/08-НД НИЙТЛЭГДСЭН
Зам тээврийн ослын улмаас орон нутагт хоёр хүний амь нас хохирчээ
iKon.MN
Гэрэл зургийг mpa.mn
Тээврийн цагдаагийн албаны жижүүрийн шуурхай удирдлагын хэлтэст 2021 оны хоёрдугаар сарын 6-7-нд нийт 366 дуудлага мэдээлэл хүлээн авсны 251 нь зам тээврийн ослын шинжтэй байсныг шийдвэрлэж ажиллажээ.
Бүртгэгдсэн зам тээврийн ослын улмаас хоёр хүн гэмтэж, ноцтой зам тээврийн ослын улмаас орон нутагт хоёр хүний амь нас хохирсон байна.
Хүний амь нас хохирсон ослууд:
- 2021 оны хоёрдугаар сарын 7-ны өдрийн 17:30 цагийн орчимд Баян-Өлгий аймгийн Буянт сум 3 дугаар баг “Урамт” гэх газар /сумын төвөөс зүүн хойш 45км/ шороон замд улсын дугааргүй Хурд маркийн мотоцикл Toyota corolla маркийн автомашинтай мөргөлдөж, жолооч 29 настай, эрэгтэй Х-н амь нас хохирсон.
- 2021 оны хоёрдугаар сарын 6-ны өдөр 21:00 цагийн орчимд Баян-Өлгий аймаг Толбо сум 6 дугаар баг “Бураат” гэх газар /сумын төвөөс баруун 15км/ шороон замд Northbenz маркийн автомашин онхолдож, жолооч 27 настай, эрэгтэй Э-н амь нас хохирсон.
Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон нийт 94 жолооч илрүүлсний 68 нийслэлд, 26 орон нутагт тус тус илрүүлж хуулийн дагуу хариуцлага тооцсон байна.
Орон нутгийн замд хөдөлгөөнд оролцохдоо зам орчны нөхцөл байдалд хурдаа тохируулж явахыг цагдаагийн байгууллагаас анхааруулж байна.
Эх сурвалж: Тээврийн цагдаагийн алба
