Энэ бол төгсгөл биш, харин шинэ эхлэл
Хүндэт харилцагч нартаа “Вагнер Ази Тоног Төхөөрөмж” компани нь хуулийн этгээдийн нэрээ сольж “Барловорлд Монголиа” болсныг албан ёсоор мэдэгдэж байна.
Катерпилларын дилерээр 94 жил ажилласан арвин туршлага, түүхтэй “Барловорлд” компаний нэг хэсэг болсон нь бидний хувьд шинэ эхлэл, өсөлт хөгжилтийн нэг шат болж байна. Монголчуудын 23 жилийн хугацаанд мэддэг болсон “Вагнер Ази Тоног Төхөөрөмж” компаний үзүүлж байсан Cat машины худалдаа, сэлбэг хангамж, засвар үйлчилгээний чанарын түвшинг улам сайжруулан үйлчилнэ гэдгийг бид амлаж байна.
Барловорлд бол 119 жилийн баялаг түүхтэй компани ба Катерпилларын Өмнөд Африкийн улсууд болон ОХУ-ын алс дорнодын бүс, Монгол улс дахь албан ёсны дилерээр ажилладаг.
Барловорлд бол олон улсын тэргүүлэгч брэндүүдийг албан ёсоор борлуулдаг, аж үйлдвэрийн бүтээгдэхүүн үйлдвэрлэл, худалдаа, ложистик, үйлчилгээ төрлөөр үйл ажиллагаа эрхэлдэг олон улсын нээлттэй хувьцаат компани юм.
Дэлхийн тэргүүлэгч брэндүүдийг нэр төртэй төлөөлж, хэрэглэгчиддээ уян хатан, бизнесийн шинэлэг шийдлүүдийг санал болгож борлуулалт, түрээс, бүтээгдэхүүн дэмжих бусад үйлчилгээнүүдийг үзүүлдэг. Тодруулбал бид Caterpillar, Avis, Budget, Mercedes-Benz, Toyota, Volkswagen, Audi, BMW, Ford, Mazda болон бусад брэндүүдийг төлөөлдөг.
Барло групп компаний салбарууд нь уул уурхай, барилга, эрчим хүчний системийн тоног төхөөрөмж, Автомашины жижиглэн худалдаа, түрээсийн үйлчилгээ, Ложистикийн үйлчилгээ, хангамж, зуучлалын шийдэл, цардуул, глюкозын үйлдвэрлэлийн чиглэлээр үйл ажиллагааг 16 оронд явуулдаг үндэстэн дамнасан корпорац юм.
“Барловорлд Монголиа” гэх шинэ нэртэй, хуучин хамтрагч тань та бүхэндээ үйлчлэхийг тэсэн ядан хүлээж байна.
Caterpillar-ын Монгол дахь албан ёсны дилер “Барловорлд Монголиа” ХХК
