Уншиж байна ...
Зураг
Зураг
ХУУЧИРСАН МЭДЭЭ: 2021/01/25-НД НИЙТЛЭГДСЭН

Орон сууцны хорооллуудын цэвэрлэгээ, ариутгал болон хог хаягдлын үйлчилгээнд анхаарч ажиллахыг үүрэг болгов

ikon.mn
2021 оны 1 сарын 25
iKon.MN
Зураг зураг
Эх сурвалж: НЗДТГ-ын Хэвлэл мэдээлэлтэй харилцах хэлтэс

Нийслэлийн удирдах ажилтнуудыг ээлжит шуурхай зөвлөгөөн өнөөдөр цахимаар хуралдлаа. Хуралдааны эхэнд НЗДТГ-ын Хяналт, шинжилгээ, үнэлгээний хэлтсийн дарга Х.Гантулга нэгдүгээр сарын 18-ны өдрийн Шуурхай зөвлөгөөн дээр Нийслэлийн Засаг дарга бөгөөд Улаанбаатар хотын Захирагчаас өгсөн үүрэг даалгаврын биелэлтийн тухай танилцуулав.

Мөн нийслэлийн нутгийн захиргааны байгууллагуудын удирдлагууд цаг үеийн нөхцөл байдалтай холбоотой асуудлуудыг танилцуулж, санал солилцлоо.

Нийслэлийн Засаг дарга бөгөөд Улаанбаатар хотын захирагч Д.Сумъяабазар Гамшгаас хамгаалах өндөржүүлсэн бэлэн байдлын хугацаанд хэрэгжүүлэх зарим арга хэмжээний тухай А/25 тоот захирамжийн хэрэгжилтийг хангаж, хяналт тавьж ажиллах, цар тахалтай тэмцэх хариу арга хэмжээний хүрээнд байгууллагуудын албан хаагчдыг PCR шинжилгээнд хамруулах, зах, томоохон худалдааны төвүүдийн ариутгалд, халдваргүйжүүлэлтэд онцгойлон анхаарч, зөвлөн туслах арга хэмжээ авах, орон сууцны хорооллуудын цэвэрлэгээ, ариутгалыг тогтмол хийлгэх, хог хаягдлын үйлчилгээнд анхаарч ажиллахыг үүрэг болголоо. 



Эх сурвалж: НЗДТГ-ын  Хэвлэл мэдээлэлтэй харилцах хэлтэс