ХУУЧИРСАН МЭДЭЭ: 2021/01/22-НД НИЙТЛЭГДСЭН
Унгар улс Европын Холбооны гишүүн орнуудаас анх удаа Спутник V вакцинд зөвшөөрөл олгожээ
iKon.MN
Унгар улсын засгийн газар ОХУ-д үйлдвэрлэсэн коронавирусийн эсрэг Спутник V вакцинд зөвшөөрөл олгосон тухай Оросын Шууд Хөрөнгө Оруулалтын Сан өчигдөр мэдээлжээ.
Ингэснээр тус улс Европын Холбооны гишүүн орнуудаас анхдагч болж байгаа юм.
ОХУ-д явуулсан туршилтын үр дүн, Унгарын мэргэжилтнүүдийн дүгнэлт дээр үндэслэн зөвшөөрөл олгосныг тус сан вэбсайтдаа мэдээлжээ.
2020 оны арваннэгдүгээр сард Унгар улс Спутник V вакцины дээжийг судлах зорилгоор авч байсан юм.
Одоогоор Спутник V вакциныг хүн амынхаа дархлаажуулалтад ашиглах зөвшөөрлийг ОХУ, Беларусь, Серби, Аргентин, Боливи, Алжир, Палестин, Венесуэл, Парагвай, Туркменистан улсууд олгоод байна.
Эх сурвалж: ТАСС
