Б.Цэрэнлхам: КОВИД-19 эхийн сүүгээр дамжиж халдварлахгүй

bottles.jpg

Нялх, балчир насны хүүхдийн хооллолтын зөвлөмжийн талаар НЭМҮТ-ийн эрдэм шинжилгээний ажилтан Б.Цэрэнлхам мэдээлэл өглөө.

Эхийн сүүгээр хооллолтын зөвлөмж:

• Хүүхдийг төрсний дараах нэг цагийн дотор ангир уургаар амлуулна
• Эхийн сүүгээр зургаан сар хүртэл нь дагнан хооллоно
• Хүүхдийг хоёр нас хүртэл, боломжтой бол түүнээс хойш эхийн сүүгээр үргэлжлүүлэн хооллох нь сайн. 

Эхийн сүүний ач тус:

• Хүүхдэд таргалалт үүсэх эрсдэлийг бууруулна
• Хөхөөр хооллосон хүүхдийн IQ өндөр байдаг
• Амьсгалын замын өвчлөл болон халдвараас сэргийлнэ
• Харшлын өвчнөөс сэргийлнэ
• Гэдэсний халдварт өвчнөөс сэргийлнэ
• Хүүхдэд зориулагдсан байгалийн төгс хүнс
• Нүдний харааг сайжруулна
• Хүүхдийн арьсны эрүүл мэндийг хамгаална
• Хүүхдийн айдас, түгшүүрийг бууруулна

Эхийн сүүн дэх халдварын эсрэг хамгаалал:

• Шүүрлийн иммуноглобулин А (slgA): гэдэсний халдвараас сэргийлдэг
• Цагаан эс: нярай болон нялх хүүхдийг халдвар, үжлээс сэргийлдэг
• Шар сүүний уураг (лизоцим, лактоферрин): мөөгөнцөр нян, вирусийн эсрэг үйлдэлтэй
• Олигосахаридууд: Салст бүрхэвчийн гадаргууд нян бэхлэгдэхээс хамгаална.

Сүү нь эхийг ханиад томуугаар өвчлөхөд хүүхдийг хамгаалж байдаг.

КОВИД-19 халдвар нь эхийн сүүгээр дамжиж халдварлахгүй (ДЭМБ) учраас :

• Эх хүүхэд хоёрыг тусгаарлахгүй хамт байлгах
• Эх хүүхдээ хөхүүлэхийн өмнө байнга гараа угаах
• Хүүхдээ хөхүүлэх үедээ маск зүүх хэрэгтэй. 

Хүүхдийн нэмэгдэл хоол нь:

• Өтгөн, өтгөвтөр төлөвтэй
• Насанд нь тохирсон хэмжээтэй 
• Зохих давтамжтай
• Нэр төрөл нь олон байна \4-өөс их\
• Аминдэм, эрдэсийн бэлдмэлийг нэмэлтээр уулгах
• Аюулгүй хоол хүнс бэлтгэж өгөх хэрэгтэй гэдгийг тэрбээр зөвлөлөө. 

ВИДЕО: